شدّوا ويمتهم جنوب عن الديره
واقفوا وانا قلبي من الهم مرضاني
اقفت مراكبهم الا يالله الخيره
وعيني تفيض الدمع من فراق خلاني
واليوم طاح الحظ على الله تدبيره
قم لاعدمتك حظ يكفيني ماجاني
قلبي فقد ربعه فقدهم مساييره
ماعاد عيني تشوف خلانها ثاني
ياليت لي قلب سطي على الشيره
ودي اطيع الشور والقلب يعصاني
هذا حبيبي ضي قلبي وتنويره
سعدي الى شفته والى اقبلت حياني
يالله ترده لي وانا اقبل معاذيره
يالله ترده لي على كيد عدواني
عجزت ابلقى من يعوضني بغيره
يفداه كل الخلق قاصيه والداني