"يزيد فيني الامل و الصبر تغريد طير
و يردني للبكا و الياس ورقا تنوح

كلٍ يترجم احاسيسه و يقدر يطير
وانا بشر و البشر ماله جناحٍ يلوح

ما عندي الاّ شعور يضيع فيه المسير
رغم اني اكثر رجل مليان صدق و وضوح

انا القوي الكبير اللي بحبك كسير ..
لو انك تحس لحظه .. ما تجيه و تروح

يا سيد الناس من هـ الحب ماني بخير
وانا بنادم اعيش العمر هذا بـ روح

ما شفت منك غلط كنت بـ عيوني كبير
وكنت بحياتي حياة و راس مال و طموح

علمتني كيف احب و كيف اعبر و اصير
انسان حساس دمعه لا تكلّم يبوح

صحيح وضعي و بعدي عن طريقك خطير
لكن مع الوقت بـ القى لي دوا للجروح

آخر رجوعي على شان الوداع الأخير
ابشبع شوي من وصلك قبل لا اروح "