اقتباس:
المشاركة الأصلية كتبت بواسطة هادي الهادي
ميمي يرحم أمك قريت الرساله وانا جالس نهايه القصيده والله اني على ظهري الكلام الحلو مانتحمل نسعه او نشوفه تجاوزنا المجراااااات ههههههههههه
هههههه صاير اغاني دابا مو اشعار على طاري المجرات
تناديك رغبات المقابيل من الأرض وانتي بالمجرّة
تهادي على غصن من الليل وتمادي على القلب ومقرّه
ترى كل هالدنيا تساهيل مادام اننا بنعيش مّرة
تلدّين وتزين التعاليل، تصدين وتصد المسرّه
وأناديك ودموعي هماليل وفي الصدر تنهيده و حرّه
أحبك وما للحب تأويل ولا شفت منك إلا المضرّة
وتموني يا ريم المكاحيل على القلب في خيره وشرّه
اذا جيتي استاهلك بالحيل، واذا كان ما تبغين حُرّه
فديت الوسيعات المظاليل، رماح الهلاك المستشرّه
وخطواتك اللي بالخلاخيل، لها في الصدر والقلب جرّه
وسواليفك بكل التفاصيل، وصوتك بها لله درّه
ابي منك ما ينهد لي حيل، على شي ما يسوى المبرّه
وابي صادقات التهاليل، اذا جيت ابشكي واتشره
من الحظ واشباه الرجاجيل وعثرات وقتي المستمره
وطموحاتي الغرّ المحاجيل وخذلانها مع كل كرّه
اعدل المساوي يطيح قنديل، وأهز الجفن وتطيح قرّه