مزاعيط المغرب - السفر الى المغرب - عرض مشاركة واحدة

walhan1973

مزعوط قدير

المشاركات: 238

تاريخ التسجيل: May 2011

2017-09-08, 01:49 AM

في الاول اود توجيه تحية لجميع الاعضاء و اتمنى التقرير هذا كان به ولو بعض الفائدة للمسافرين الجدد

و الشي الثاني ادري البعض وده يسمع سواليف الحب والهيام لكن غضيت الطرف عن ذكرها لسببين ، الستر و الحدود اللي راسمها المنتدى لنطاق الكلام ولكن من خلال الرحلة التقيت بشخصيتين كان لهم عميق الأثر بحياتي الان و مستقبلا وماهم من رواد علب الليل ولا زلنا على تواصل يومي و بالافق مشروع قصة سعيدة قد تسمح الظروف بيوم و اذكر قصتهم

اخيرا" ، حاولت بالمستطاع ذكر الاحداث بشكل سريع لاجل الممل ما يصيب بعض القراء . وتقبلوا مني جميعا فائق احترامي و تقديري

و نواصل ما انقطع

في اليوم الثاني قررنا الذهاب الى الجديدة و الوجهة منتجع مازاغان ، اخذنا الطريق السيار و في خلال ساعة كنا في مازاغان، بالطريق تم توقيفنا بسبب مخالفة السرعة و تم حل الموضوع ب 100 درهم قهوة للعسكري اللي وقفنا والله يديم هذا البلد امن و امان و الامور سهالات وكل شي قابل للحل بالود و التفاهم .

وصلنا المنتجع و بأمانة المنتجع فخم و يستاهل الزيارة به مسابح و و مطاعم و شاطئ جميل والمفاجاءة كانت ان المسبح مخصص لنزلاء الفندق فقط ، ولكن الاخ Geff الله يجزاه خير دهن سير الامن ب 100 درهم و 100 درهم كذلك للامن اللي عند مدخل المسبح و سمحوا لنا بالأستفادة من جميع مرافق الفندق و كأننا نزلاء . اخليكم مع بعض الصور للمنتجع

بعدها دخلنا ل المنتجع ولعبنا شوي وكانت العصاير و السندويشات و السجاير تقدم مجانا طبعا" ، و كان في ديسكو بالمنتجع لكن ما يفتح الا ايام الويكند ، للامانة المنتجع يستاهل الزيارة لمدة يوم من باب تغيير الجو خاصة للي يحبون ال و لكن ما انصح بالاقامة فيه و تكفيه زيارة. ما خلصنا الا حوالي الساعة عشرة بالليل و قررنا الرجوع لكازا اللي وصلناها بحدود الساعة 11 و كنا مضبطين امورنا عقب الشور نزلنا لديسكو الفيلا و كملنا السهرة الى الصباح .

بيوم فاجأني العضو Geff و قال لي وش رايك نروح لطنجة قلت له قدام وانا معك في اللي تبغاه و سالته كيف عن السكن قالي لا تحاتي قلت له خلاص تم، اليوم الثاني صحينا من النوم و سلمنا لفيلا و مسكنا الخط لطنجة
اترككم مع بعض الصور للخط

بداية الخط

لحظة وصولنا لطنجة

الحمدلله وصلنا في خلال اربع ساعات بس من كازا لطنجة والحقيقة المدينة تفتح النفس وتحس بها اجواء اوروبية بالاضافة الى طقسها الشرق متوسطي العليل ، بصراحة جوها خيال المهم اني سالت عن السكن و قام اخوي العزيز Geff بالاتصال بسمسار من المعلنين بالمنتدى و توقفنا بالسيارة عند مطهم بيتزا هت ننتظره و جانا ومشينا وراه الى ان خذانا لفيلا بعيده شوي عن الكورنيش وكان مستواها دون المتوسط قلت لخوياي الوقت تأخر وحنا جايين من سفر نسكن بها ليلة وبكرة ربك يحلها .
سالناه عن ايجار الفيلا و ننصدم به يقول 6000 درهم بالليلة !!!!! طبعا هذا السمسار هو المعلن بالمنتدى يارس للعقارات ، انا طبعا سكت و عبارات وجهي لا تعليق ، خوياي طبعا استنكروا السعر و ركبنا السيارة و مشينا من عند الجزار اقصد السمسار ، بالطريق و حنا راجعين للكورنيش سالت خوياي وين السكن اللي انتوا مضبطينه ، قالوا كنا معتمدين على معلنين المنتدى . يا ليل الصابرين طيب و الحل ؟؟ جا الليل و بعدنا بالشارع

اعذروني تعبت من الكتابة و مثلكم يعذر ونكمل قريب