في نقاط ودي اعلق عليها
1- البنوك ما ياخذون على السحب خارج السعودية الا عمولة على حسب البنك
وبعض البنوك ما ياخذون شي ويعتبرونها خدمة للعميل خارج السعودية
بنك سامبا ياخذ 35 ريال على كل عملية سحب نقدي من وفا بنك والعميل الذهبي ما يخذون عليه
بنك الجزيرة ما ياخذ عمولة ابدا على اي عميل ..

2- بطاقة فلوسي حلوة لكن مشكلتها سقف الايداع20 الف درهم فقط فما تصلح لميزانية رحلة عاليه لأنك منت بفاضي كل شوي تروح تودع مبلغ وقدره ولازم تلحق البنك قبل ما يسكر بعد

3- تحويل المبلغ عن طريق ويسترن يونيون حلوة الفكرة ، لكن وجود معك مبلغ السفرة والذي عادة يكون كبير ممكن يعرضها للسرقة خاصة اذا كنت ساكن بفلل والا شقق ما يتوفر فيها سيفتي بوكس ويخليك عرضة لموقف محرج جدا لا سمح الله .

4- انا رايي انك تاخذ معك فلوس السكن + مصروف أول يومين + ايجار السيارة ان وجد وكلها تكون بالدولار لسهولة حملها وتحولها أول ما توصل بالمطار
بعدين اسحب من الصراف ( وفا بنك ) كل ما احتجت كحد أعلى يومي 8000 درهم تطلع بالكثير عليك ( 3800 ريال ) مع العمولة احسن من انك تشيل الكاش كله و يضيع او ينسرق

5- اذا كان عندك حسابين افضل طبعا عشان لو لا سمح الله ضاعت البطاقة تكون الثانية احتياط بمكان أمن وتقدر من النت تحول المبالغ اللي بالاولى للثانية

6- لا تنسى ارقام البنوك بالسعودية تحتفظ فيها بالجوال وبورقة خارجية خاصة اذا كان عندك فيزا عشان لو ضاعت تقدر تتصل وتلغيها فورا بدلا من تضييع الوقت بالبحث عنها

7- اكبر مبلغ تقدر تدخل فيه الى المغرب هو ما يعادل 100 الف درهم من عملة ثانية او الف درهم مغربي