مقدمه بسيطه
ترى بحاول اسرق اسلوب الي كتبو تقارير من قبلي ههههههههههههه، خبركم مافيه خبرره بهالتقارير وهذا مايعتبر تقرير اعتبرووه سواليف والقصد من وراه ان المنتدى استفدت منه الكثير وله اعتبار على الواقع في المغرب ، وحبيت اعطيكم تجربتي ،
انا بحاول اذكر ادق التفاصيل لاني كنت احبها وانا اقرا التقارير الي في المنتدى بأستثناء الطيور وخلافه بحاول قدر الامكان اتحاشها .
نكمل ، وانا قاعد في الطياره كنت اقلب في برنامج we go واشيك على الرحلات وحصلت رحله تقلع الساعه ٨ الصباح بتوقيت القاهره وانا وصولي بيكون الساعه ٦ يعني بوصل وبيكون باقي على الرحله ساعتين والبوردينق يقفل قبل الرحله بساعه تقريبا ومامعي تذكره وباقي اخلص الجوازات واستلم الشنطه واقص تذكره وبعد كذا مدري بيكون قفل البوردينق ولا لا ؟
اقلعت الطياره وقعدت افكر واسوي مقارنه بين اني انتظر واروح مع الشباب في نوفمبر ولا اشوف ذي الرحله واطلع عليها بس ،
طبعا انا كثير سفر لحالي ( حريه ) بس للمغرب ماجربت ، قلت ياولد ان قدرت الحق على الرحله خير وبركه والشباب بيتفهمون الوضع وان مالحقت فجعل في الامر خير ،
طلبت الورقه حقت الجوازات وعبيتها في الطياره وصلنا القاهره ٥.٥٠ دقيقه وين الباب بس الحق ماتلحق واخلص الجوازات واسلتم الشنطه وعلى مصر للطيران في الدور الثاني وقفت عند المكتب ٦.٣٠ ، قلت يالطيب ابي اطلع للدار البيضاء رحله الساعه ٨ ون وي قال الموظف حتلحق على الطياره؟
قلت انا ابي المعلومه منك وانت تسألني ؟
قال بص يابشاشا انا حقطعت لك التذكره ان لحقت كوويس وان مالحقت تعال واعطيك فلوسك كاش قلت (واخا ) << قال بتقول ايه قلت لا ولاشئ عطني تذكرتي شكلي مسحور ههههههههه ،
وكان التفتيش حق الجمارك طابور ماتشوف اخره تقليع جزم وخياس الله يكرمكم ،
رحت للموظف وانا فاتح فمي للاخر مسوي ابتسامه بزعمه .gif "Maroc (967)")
قلت يالطيب الطابور طويل وانا عندي رحله ايش العمل ؟
شاف التذكره وقال حسمحلك بس تستأذن من الناس دول >>>
طابووور طووويل يبيني الف عليهم ههههههههه قلت روق ياعم وخذ حلاوتك وعديني بطريقتك ،
راح لهم وكلمهم بصوت عالي وقالهم الراقل دا عنده طياره حيقفل البوردينق بعد دقيقتين اذا تسمحو له يخش قبليكم ههههههههههه << فضحتنا الله لايبارك في عدوك هههههههههههه ،
( كل الناس قاعده تطالعني ماتسوى علي حتى المسارات الثانيه سمعوه ) قالو ماشي بصوت جماعي
( فديت مصر واهلها ) ،
سلمت عليهم من بعيد ودخلت ،
رحت لموظف الخطوط عشان اقص البوردينق قلت باقي وقت قال فاضل عشر دقايق قلت ينفع تعمل لي ابقريد للبزنس لاني ابي انام والرحله خمس ساعات عشان اوصل مصحصح ،
قال ينفع ياعم بس تدفع ١٥٠ دولار قلت تفضل بس خلصنا ،
رحت دفعت المبلغ ورجعت له واستلمت البوردينق ،
وعلى الجوازات واروح واتكي على باب الطياره مانيب فاضي تروح علي << متأدب من طيران الامارات مرتين يسحبون علي ،
فتحت الطياره ابوابها وركبت واحلى نوومه لين ماطبت الطياره في ارض مطار محمد الخامس ،
فاصل ونوووواصل
التعديل الأخير تم بواسطة آبو قحط ; 2017-10-14 الساعة 05:47 AM