ياليتني ياسعود مارحت كازا
والرجل ماداجت على حي بورقون
لحظة لمحته صاب رجلي اهتزازا
وخلتني عن غيره مكبل ومسجون
الصدر كنه خوختينٍ ركازا
حمر ثمرهن واقفاتٍ يهلون
والحسن في خده خذته امتيازا
متسلطنٍ بالزين عن كل مزيون
ياسعود قلبي ماله اليوم عازا
مرهون مفتاحه مع الزين مرهون
الحال كنه تحترق فوق غازا
ياسعود تكفى قبل ماالناس يدرون
ياسعود اسعفني بفيزة جوازا
والا تراني في الهوى مت مغبون