( في يوم السبت 5/11/2017 )

سويت تشيك آوت من الفندق قبل الساعه 12م بعد التوقيت هاذا ينحسب عليك يوم ، واثناء إجرات إنهاء السكن حصلي موقف مع سائق الفندق وحبيت اذكره ..
قال : موظف الرسبشن مدد معنا ان شاء ماضايقك احد
قلت : لا بالعكس ماشفنا منكم الا كل خير و انا سوف اذهب الى منطقة الجبيهة ..
قال : الي يريحك بدك شوفير الفندق يوصلك
قلت : نعم وينه جاني بكم توديني
سائق الفندق: 10 دينار عشانك < سيارته خاصه ليست بتاكسي
قلت : كثير راعينا طبعاً انا شايف المسافة في قوقل ماب حقها 5 دينار مع ازمة الطرق وزحمتها ..
سائق الفندق : المسافه بعيده وزحمه
قلت : السعر غالي ولاناسبني الله يرزقك
خرجت من الفندق لحق بي ( نشبه ) وجدت تاكسي امام باب الفندق بتكلم مع صاحب التاكسي نط قال ..
سائق الفندق : انا قلتله ب 10 مع غمزه لسائق التاكسي
قلت : انت وش تبي توكل ع الله انتهى اتفاقنا
سائق التاكسي : انت بتضحك عليه يازلمه المشوار اقل من كذا ..
سائق الفندق : قلب عليه ، انت شو بدك ومين الي سمحلك توقف عند الاوتيل
سائق التاكسي : انا بوقف فالمكان الي يعجبني ومسموح لتاكسي يوقف في اي مكان شغلي نظامي يازلمه
سائق الفندق : لا مو مسموح وانا وراي جبال شغلك مش نظامي حرك من هنا ولا بنادي عليك المعلم ..
سائق التاكسي : يازلمه اذا انت وراك جبال انا وراي قبيله بدايتها من عمان ونهايتها جرش
بدا يشد الكلام بينهم والاصوات ترتفع ، انا توني صاحي من النوم وماني مروق ..
قلت : ياجماعة صلو ع النبي الموضوع بسيط ولا يستاهل كل هالضجه ..
سائق التاكسي : انت سمعته شو بيقول ؟ يقول وراي جبال الواحد يكون عندو مبداء
قلت : طنش ولا كأنك سمعت شيء
سائق الفندق : مجعوص ، ايه وراي جبال شو بدك تفعل
قلت : اقول حسن الفاظك والا جبت العيد فيك
قامت مضاربه بينهم بالايادي اتجه سائق التاكسي لسيارته بيجيب السكين ناويها شر تجمعو علينا الناس يفرقونهم حط رجله سائق الفندق (جبان) راح ينادي المعلم بتاعه جانا مدير الفندق شو فيه شو فيه ؟ وقف دباب الشرطه السياحيه عندنا وش هالاصوات المرتفعه وش السالفه مدري مين مكلم الشرطة ، فهمته الموضوع كامل انا وسائق التاكسي .. سجل المحظر واخذ معلوماتي ومعلوماتهم قال ..
العسكري : انت مخالف النظام يا سائق الفندق سيارتك خصوصي وبنحولك لقسم الشرطه وانت ياسايح تقدر تروح واذا اتصلنا عليك تحضر عندنا ، مشيت من عندهم اقل من دقيقتين لحقني سائق التاكسي قال اركب بوصلك مازحته قلت المشوار مجاني ضحك قال والله ماخذ منك ليره قلت ترا امزح معك بعطيك حقك ركبت معه وقمت اخذ واعطي معه رجل شهم وكريم ، قلت وقف في مطعم انا مافطرت ع ريقي قال فطورك وقهوتك علي لازم اضيفك قلت ماتقصر الله يخليك بس انا جوعان مر وبعدين نتفاهم فالامور هاذي وقفنا في كوفي طلبت لبنه و قشطه وعسل نواشف واثنينقهوه افطرت الحمد اللهجيت بحاسب ماخلاني احاسب حلف احرجني بكرمه وطيبه اخذت رقمه وحفظته عندي، وصلت الشقه فالجبيهة طلعت 5 دينار بحاسبه قيمة المشوار رفض وبشده حذفت الفلوس مع الطاقه ومشيت دقيت ع الحارس مصري قلت انا عند العماره انزلي جاني قلت انا جايك من طرف طارق قال يامرحبا فيك وفيه قلت ابي غرفه وصاله قال موجوده بكم السعر قال دامك جاي من طرف شخص محترم وغالي علي بعطيك سعرها 25 دينار فاليوم كاسرته و قال انا معطيك السعر من الاخر ، شفت الشقه نظيفه اعجبتني متوفر فيهاواي فاي حاسبته حق يومين 50 دينار ، اخذتلي غفوه ساعتين صحيت ع الساعه 3 م وطاويني الجوع طلعت من الشقه اتمشى ع رجليني شفت الجامعة الاردنية ومطاعم ومقاهي ومكاتب دراسيه منطقة الجبيهة اكثر سكانها خليجيين طلاب منطقه حيه ومزدحمه ، لفت انتباهي مطعم عليه زحمه اسمه اهوه افندينا دخلت طلبت وجبة برقر بسعر 4 دينار المطعم جميل فخم اكله طيب .. خرجت من المطعم مدري وين اروح مسكت الجوال دخلت ع ملاحظات الجوال بشوف الاماكن الي مسجلها قبل < اخيراً استفدت من ملاحظات الجوال .. طاحت عيني في اسم شارع الريبمو كتبت اسمه في قوقل ماب طلع قريب من موقعي وققت تاكسي شاب ثلايني غجري اخلاقه في راس خشمه قلت بغيت الريبمو قال اطلع قلت فيه عداد قال لا بوديك ب 4 دينار قلت تاكسي ومافيه عداد قال كلمه فيها سب وفحط في وجهي انغبنت من هرجته و من حركته < الله يجيبك ياطولة البال ع التكاسي وغثاها ..
طلبت اوبر وصلني لشارع الريمبو ب 3 دينار ، شارع راقي وفخم مثل شارع التحليه بجده كله مقاهي ومطاعم ، دخلت مقهى اسمه طلة الجبل مقهى يطل ع المنطقه كامله جلسته جداً رايقه والمنظر جميل ماتمل من الجلسه ، طلبت شاهي نعناع ومويه جلست فالمقهى قريب الساعتين حاسبت ب 2 ونص طلعت امشي ع شارع الريبمو من بدايته الى نهايته نزلت مع درج نهاية الشارع ينزلك لوسط البلد فيها اسواق شعبيه ومكتظه بسكان ، تمشيت فيها شوي سألت عن اسعار الزيتون والزعتر فالمحلات بغيت اشتري شاورت نفسي قلت اخر يوم احسن ..
مريت السوبر ماركت اخذتلي كم غرض ومشيت ع الشقه ونومه ..


والله ياكتابة التقارير متعبه وتاخذ وقت يبيلها شخص طويل بال < تعب وهو يكتب يالله هانت باقي جزء وننتهي ..