اقتباس:
المشاركة الأصلية كتبت بواسطة yhy
قصيدة جزلة
ولا يهمك ان راح اكفيك بالتنسيق
غيرت جوالك حبيبي بلا اسباب=واقفيت والخاطر من الهجر مكسور
سبع سنوات اليوم وموصد الباب=وانا انتظر بالباب ... والبيت مهجور
ياكم حلفت اني معك وسط الاهداب=وشلون تنساني ؟ عسى منت مجبور
اخبرك تبكي لا حكينا عن غياب=وتقول لا تطريه .. واعيش مسرور
واليوم اه واااه ياسيد الاحباب=ذبلت زهور العشق ...وفاح تنور
وتبغى الحقيقه والله ان الامل شاب=واصبح طريح فراش وان مات معذور
في ذمتي دنياي من بعدك تراب=والعيش من دونك مدينه بلا نور
قلبي سكنه الهم والحال ماطاب=صحيح عايش .. بس من جد مقهور
ليتك تذكر صاحبك .. ترسل كتاب=يحمل رقم جوال لك وانت مشكور
يمكن ادق ! ويمكن ارسلك عتاب=ويمكن اشوفه بس!! واحس بشعور
شعور سالف مامضى قبل لاهاب=يوم اتصل من دون موعد ودستور
ودي بصوتك جوود ياعز الاصحاب=ارجاك قول الوه .. او قول ماجور
عطني علومك وسهب بحكيك اسهاب=جاوب على لغز الهجر وعطني دور
اسمـعك صوتن من مفارقك ذاب=ماتسمع الا حشرجة قلب مأسور
ومن بعدها.. رح !! ربنا يفتح الباب=ويبقى مكانك داخل القلب محفور
الف شكر واشغلني العمل امس حتى ضغطت اعتماد دون قصد
عموما الله يوفقك ولاهنت وبيض الله وجهك