اقسم بالله متفشل منكم لاتؤاخدوني لاترتيب لا صور
بس ابي توصلكم الفائدة وتاخذون فكرة وتطلعون من الجو المعتاد
طبعا وانا في خنيفرة فكرت بخريبكة طبعا نسيت اقولكم انا من عشاق
الهجولة احب امسك الطريق صباحي لا نظام و لاتنظيم ماحب التخطيط
تجي زي ماتجي الزم ماعلي تكون السيارة اللي معي كفراتها زينة
والانترنت وانا في خنيفرة وداخل على الخرائط بتلفوني شد انتباهي مدينة
بالخريطة اسمها زاوية الشيخ قلت خلني احرك لها
تبعد تقريبا عن خنيفرة 60 كم ساعة وربع قلت مابدهاش خلني استكشف
ونظامي بثارة وصلت زاوية الشيخ اول مادخلتها لقيت شايب متكي قدام بقالة
قلت خلني اساله عن الاماكن السياحية قالي عن مكان شلال اسمه بوكنداز
زاوية الشيخ تتبع اقليم بني ملال وحسب المعلومات اللي عرفتها عن قوقل
فيها سبحان الله اكثر من 40 عين وكلها مياه عذبة وصالحة للشرب فيها اشهر متنزه
اسمه عين تامدة طبعا هالشلال يبيله مشي وطلعه ونزله بس يالله مناظر وطبيعة
يستاهل التعب والقروشة