قله غيابك سكاكين

فرنشيسكاوي

الـخـوادري

المشاركات: 2,298

تاريخ التسجيل: Apr 2011

الدولة: فوق هام السحب

2011-08-25, 07:42 AM

قله غيابك سكاكين

هذا مكانـه يابحـر أعرفـه زيـن******** رغم البطا كنه هنـا مـن ثوانـي

كنا هنـا قبـل نتفـارق بعاميـن ******** قبل المطر يجتاح وجـه المبانـي

وينه غلاتي يابحر وينـه الحيـن ******** مرك .. لمحته .. مانشد عن حناني

بالله قول أنـه هنـا قبـل يوميـن ******** ودي أحـس أنـه هنـا مانسانـي

حتى الكراسي تسألك يابحر ويـن ******** من غيبته حتى الكراسـي تعانـي

كنا هنـا قـدام وجهـك محبيـن ******** نرسم على صطحك كثير الأمانـي

شف يابحر كنا على جالـك أثنيـن ******** واليوم ماغيـر الدمـع والموانـي

دونه أشوف الزين بناظري شيـن ******** وبإسمه أنادي واحد مـن أخوانـي

وين السعاده ناسيتني مـن سنيـن ******** مدري بعد مثـل السعـاده نسانـي

ااااه يابحر الدمع في محجر العيـن ******** ماأقدر على ذكـراه هـزت كيانـي

ماأقول يسوى في عيوني ملاييـن ******** يسوى عيوني وماغلى في زمانـي

هو القمر في الأرض يمشي برجلين ******** مافيه مثله يابحر شخـص ثانـي

شف يابحر ماهزني غيـر ثنتيـن ******** فرقاه وميسـم هالزمـن لاكوانـي

لكن أمانه يابحـر أحفـظ الديـن ******** لا جاك ثير الموج لهفـه عشانـي

قله غيابك عـن حبيبـك سكاكيـن ******** ماهو حرام الذبح بإنسـان فانـي

دايم يحن لموعـدك يعرفـه زيـن ******** وده يشوفـك يابشـر لـو ثوانـي

مما جاز لي بالحيل .....

__________________

قال ضحكتك... تفضح غلا بالصدر ضافي....
قلت هونك... ضحكة بضحكة... جارن واجاريك

... !!