مسكنا الخط وكان وقتنا مابين سماع بعض الاغاني ومابين محادثات على الواتس مع كذا شخص ومابيني انا والسائق أخذنا راحتنا بالخط حتى قربنا من مراكش وقلت للسواق بنريح فتره بسيطه في أحدى كوفهيات جيليز وبعدها نكمل طريقنا للأمانه أحترت في مقابله صديقي وبعد تفكير تركت لقائي به لوقت أخر حتى أنتهي من موعدي في قريهـ تازناخت دخلنا مراكش
[IMG]‏[/IMG]
وماوقفنا الا في جيليز وأخترنا أحدى الكوفهيات وأخترنا جلسه خارجيه نتامل الماره وأسترجع بعض الذكريات
[IMG]‏[/IMG]
طلبنا القهوه لي وللسائق عصير مع الحلا
[IMG]‏[/IMG]
وقضينا وقتنا بالكلام في مواضيع كثيره وكان جنبي طاوله فيها امراه كبيره بالسنه وابنها الصغير وبنتها بالعشرين من عمرها طبعا الطاوله قريبه مني التفت لاشعوريا ولاحظت بعض النظرات وقليل من الحركات الغريبه منها مع أبتسامه وكان وضعي وقتها بتوتر فلا يوجد لدي وقت لأغامر معها في ظل ظروفي ووضعي فمشاعري وقتها صامته لاترغب بعلاقات عابره أو التسليه تجاهلتها أكملنا القهوه وبعدها جوله بسيطه بجيلز نحرك رجولنا حتى أخذنا كفايتنا وركبنا السياره ومسكنا الخط وكان الطريق طويل جدا ومتعب وخلال الطريق كان لدي تواصل مع البنت اللي بالقريه وعندها علم ان وصولي لاتفصله سوى ساعات باذن الله وكان وقتها ليل ومرينا على جبال تشيكا وهي خطيره لازم الواحد يكون مصحصح ويفضل يروح بالنهار لخطورتها للامانه تعبنا جدا بالطريق وماارتحنا الا لما دخلنا القريه وكان تقريبا وقتها الساعه 3 الفجر قريه أشباح لم نجد فيها الا بعد عناء كم شخص بالشارع وسالناهم عن فندق وقالوا مافي الا واحد وعطونا الوصف ولقيناه مقفل يالله وش هالورطه حاولنا نشوف سكن مده نص ساعه مالقينا شي وش الدبره وين نروح وين ننام تعبانين والله مافي الا هالحل وقفنا بمكان جنب محطه بنزين وامنا باب السياره وماحسينا بنفسنا من شده التعب الا واحنا نايمين ...
الجزء القادم:-
١:- يالله ماهذا الحظ ؟! وش اللي قاعد يصير معاي؟! لماذا ياتازناخت؟!
٢:- تهديد بالقتل والسبب زواج؟!
٣:- لحظات صمت وتأمل في ورزازات؟!
٤:- مقابله صديقي في مراكش؟