الموضوع
:
كيك ساهل ماهل من كوزينتي
عرض مشاركة واحدة
Nadosh
موقوف
المشاركات: 9,263
تاريخ التسجيل: Mar 2011
الدولة: بلاد الكفار
2011-08-26, 01:53 AM
كيك ساهل ماهل من كوزينتي
اليوم جايبة ليكم كيك ساهل ماهل
غير الى مبغاش يجربوو
مانطولش عليكم نخليكم مع الصور والشرح والمقادير
نحتاجو
كاس زيت + كاس سنيدة
وكاس عصير برتقال او الحليب
(او تقدرو تديرو دانون ولكن العبار يكون بالحك ديال دانون)
تلات كيسان دقيق نضيفو ليه قبصة ملح
للاشارة نفس الكاس نعبرو بيه كل المكونات
خمس بيضات
جوج خمارات
فاني
في ايناء كبير نفصلو اصفر البيض وابيض البيض
تم نضيف السكر على اصفر البيض ونطرب بالطراب الكهربائي
تم نضيف الزيت شوي شوي مع التطراب
تم نزيدو عصير برتقال ونكملو التطراب: (462):
نضيف الفاني
من بعد نضيف الخميرة على الدقيق
تم نخلط الدقيق والخميرة
نضيف الدقيق بالمعلقة شوية بشوية مع التطراب
حتى نكملو الكل ويتجانس الخليط
من بعد في ايناء تاني نطرب ابيض البيض بعد ماضفت ليه قبصة ملح حتى يصبح كالثلج
من بعد نضيفه على الخليط ديالنا
ونخلط من تجت لفوق باش مايتهواش لينا الخليط
ندهن المول بشوية زبدة ونرشه بالدقيق
ونضيف الخليط
انا خديت شوية شكلاط غبرة للتزين
ونخلطوه على وجه الكيك
وندخلها على فرن مسخن على 140 درجة مئوية
وهاهي كيكتنا واجدة
بعد 40 دقيقة
بالصحة والراحة على قلبكم
Nadosh
مشاهدة ملفه الشخصي
البحث عن كل مشاركات Nadosh