(( الجزء الخامس ))
((قريه تازناخت الغامضهـ))
بعد مانمنا من التعب صحينا على 7 الصبح ولازلنا تعبانين ومرهقين من طريق السفر والنومه اللي بالسياره شغلنا السياره ورحنا الفندق حجزنا غرفه بسعر 150 درهم وبعد ماحطيت أغراضي تواصلت مع البنت عده دقايق وقالت لي موعدنا على الظهر طبعا نمنا من التعب وصحيت بعدها على الساعه 11 لقيت مكالمات كثيره من رقمها ومن رقم غريب اتصلت عليها وقالت لي ليه ماارد وان ابوها جاء الفندق الساعه 9 الصبح واتصل علي بس انا مارديت قفلت من عندها رجعت اتصل على ابوها اكثر من مره مارد علي رجعت بعدها اتصل عليها وقلت لها اتصلت على ابوك مارد قالت بتشوفه وترجع تكلمني قلت اوكي .
خلال هالوقت أخذت دش ولبست وطلعت بعض الهدايا وطلعنا من الفندق فطرنا بعد الفطور اتصل عليها البنت ماترد قلت يمكن مشغولين او يجهزون ويرتبون وضعهم رحت بعدها أخذت بعض الحلويات المغربيه ومرت أكثر من نص ساعه ولا اتصلت رجعت اتصل ماترد تمشينا شوي بنفس الشارع اللي فيه الفندق ومرت اكثر من ساعه واتصل ماترد رجعت اتصل على ابوها ولايرد هنا أستغربت وقلت وش الوضع لاهي اللي ترد ولا ابوها وطال الانتظار الى ماوصلت الساعه 3 العصر ولا اي رد او جواب منهم رجعت الفندق وانا زعلان ومتضايق وارتب شنطتي وانا ارتبها جتني على الواتس رساله طويله جدا بعض من محتواها بالمختصر:-
(( انا والله اسفه ومالي وجه اتكلم معاك أرجوك سامحني المشكله اللي صارت أخوي لما عرف أنك سعودي رفض وجالس يصارخ وسوا لنا مشاكل بالبيت وحلف انه يذبحني لو تم هذا الزواج وابوي مو عارف كيف يتصرف وانا حتى جالسه ابكي الحين وطلعت من البيت وجالسه عند بنت الجيران حاولت اقنعهم قابلوه الرجال جاء من بلد ثانيه اجلسوا معاه استقبلوه بس رفض اخوي رفض تام)).
انا بعد ماقريت الرساله تحطمت وزعلت جدا من هالتصرف مارديت عليها حتى برساله وعلى طول أخذ أغراضي ونطلع من الفندق وركبنا السياره طالعين من قريه تازناخت مالقيت مبنى مشهور او عليه كتابه الا هذا المبنى صورته واخذنا كم صوره انا والسواق
[IMG]‏[/IMG]
ركبنا السياره قلت للسواق يالله نشد حيلنا بهالحلويات اللي جبنها وكملنا طريقنا متوجهين الى مدينه ورزازات ..
يتبع