ياهيه ...


ياهيه ياللي غرك الحسن ياهيه
ما الله خلقني للمقفي تباعه

حسمت رايك ياعساك تهتني فيه
لـ صار عندك للفراق استطاعه

لوك تحس اللي بحالي مسويه
ماغض جفنك تالي الليل ساعه

تليت قلبي بالهوى من عراويه
خيبت ضني بالجفاء والقطاعه

وان كان قصدك خافقي لا تراعيه
مافيه سمعن ولا فيه طاعه

ماني بقايلك فديتك ولبيه
لو يعلن القلب الحزين اندفاعه

لا تحسبن الصد وردني التيه
لا والذي فضّل صلاه الجماعه

انت تشكي الضيقات والبعد تشكيه
تدري غيابك من حياتي مجاعه

جوع الغرام الي نخصه ونعنيه
شفت الغلا منا وشفنا البشاعه

لك يا متى تذكر به غرامي وتبكيه
لضاق بك الكون رغم اتساعه

تنعي زمان الحب لاغاب طاريه
ماهي سنوات الضيع وضيعه

الميت مايرجع لو الناس تنعيه
عبر المواقع والصحف والاذاعه

الله خلقنا نصلي ونرضيه
مالله خلقنا للمقفي اتباعه

__________________
لاتسمع كل ما يقال ولا تقول كل ما تسمع.