السلام عليكم ورحمه الله وبركاته



هذه القصيده اللتي القيت في حفل اجتماع الدواسر في المنطقه الشرقيه طريق ابوحدريه في المخيم الربيعي للدواسر على شرف الشيخ عبداللطيف الودعاني


سلام الله على حفلٍ يظم اهل الوفا والباع=مداغيش الرجال اللي لها فالنايبه وقفات
هل النخوه هل الشيمه هل الراي السطي قطاع= هل المجد العزيز اللي بنا له فالسما رايات
تجمعنا على حفل الكريم اللي لنا بتاع = قليل الوصف مثله يعتلي ويّهون الصعبات
تسلسل من نسل منهو نسبهم بالوفا قد شاع = وداعينن تضد الجمع وتفرج عنا الظيقات
تجمعنا على عرف الوفا والمجد صيته ذاع=على دين الشريعه نلتقي ونقدم الجزلات
على مجد القبيله نلتقي من مختلف الاقطاع = من الغرب وجنوب وشرق واشمل كلها قد جات
على مجد الدواسر نلتقي جود ووفاً قد فاع = على مجدٍ بناه السيف يوم الوقت به غارات
على ظهور الرمك والجيش يوم ان الزمان اطماع =بزرق الرمح لاقامت تهيج وتكبر الهيات
على ركب العقيد اليا دقلها وانتخا فزاع =صواريمٍ تقادح بالشرار اليا هوت صلفات
على وضح النقا نقدم وندبل صاعنا بالصاع =زحازيحٍ على الشيخه زحازيحٍ على الهامات
تجظ قلوب من يذكر لقانا من ورى الآضلاع= تجظ بذكرنا ونّا نزبن من شكى الميلات
نزبّن من شكى جورالقهر من شكى منّه شكا والتاع=على الرجم المطرّف يعتلي ماجاته الزلات
سمينا واستمينا والفخر يثنى على الاسماع = ودوم الطيب لاسقته ركز لك بالوفا شاراتوســـــــــــــــــل امه الجميع

اخوكم / مطلق الحصان ال عمـــــار

منقولة