صباح الخير عليكم يامتابعين المزاعيط عافت النوم عيني مقطع جميل السموحه من الجميع التعب والطياره والنوم المتخربط بس ان شاء الله التقرير يكون بين ايدكم يااحلي مزاعيط
كانت الرحله جميله اخذت نفسي ورحت بروحي وقلت الله يصبرنا علي الابعاد طلعت المطار الساعه 6،30 صباحا علي طيران الجزيره والاقلاع كان الساعه 8،30 وصلت المطار واخذت البوردنق واتجهت الي الجوازت وختمت وتوكلت علي الله علي ماشربت قهوه بس مو نص نص سبرسو دبل واخذت سجاره بعدين اتجهت الي دخول الطائره الحمدلله لحد الان وانا ماخذ راحتي ومضبط اموري وحسب ماشرح اخوي صقر الجنوب التعليمات وصلت بالسلامه الساعه 11،30 علي ماتنزل العالم بس بكل صراحه الطياره كانت الاعداد حلوه ومافي ازعاج ومنها من العوايل ومنها الشباب الاعمار اللي الناذجه علي ماطلعنا اتجهت علي كونتر الفيزا وتاخرت انا خلوني اخر واحد صورتي بالجواز من غير اللحيه وانا كنت باللحيه الروسيه الشكل طبعا احتارو وقامو يقلبون شويه شويه وانا منتظر عادي لاحد ماشوفو مني اي تردد وفوق كل هذا النفسيات والضحكه الطيبه والابتسامه من الموظفين وطلعت علي كونتر الجوازات وبعد اخرتني شويات للحرص اللي عندهم وبعد ماختمت الجواز تاسفت علي التاخير مع الابتسامه ورقه زاد فيني الشوق اني اشوف شنو هذي الناس اللي يرحبون فيك طلعت كونتر الشنط واخذتها وصرفت كم من منات عشان الطريج اخذت تاكسي بعد المكاسر معاهم لحد مااخذت واحد عنده سياره صغيره وجديده 15 منات توجهت للفندق انا حاجز علي الفورمنت طبعا هذا الفندق يعني معدل ثاني فندق بعد الفورسيزن وصلت بالسلامه والاجواء امطار الرذاذ والغيوم اللي تعطي المناظر كانك في اوربا مصغره وصلت للفندق والمسافه 20دقيقه دخلت ورحت للرسبشن واستقبلتني موظفه ماشاء الله عليها بس توزع ابتسامات وترحب وعطيتها رقم الحجز اخذت البطاقه حق الغرفه ولقيت اغراضي موصلينها قبلي بعد الاجراءت من الرسبشن الغرفه مطله علي البحر والغيم والااراضي كلها خضراء طبعا علي ماجهزت الاغراض اخذت الدوش عشان انام كم ساعه وطلع اتغدي وللحديث بقيه