ولو مو تاج احسك بس كلت تاج
واحس بروحي في ظلك اميره
واذا سألوني عنك اي كلت شيخ
وارخص الخاطرك نص العشيره
افهم وافتهمني وريح البال
وقلبي المنشلع حدد مصيره
وميزني بذكائك وافهم شبيك؟؟
فرق بين المحرر والحريره
واذا صغيره شفتني عيونك صغار
النجوم بعاد وتبين صغيره
وعلي تبخل واكول يكرم هووواي
وكل يوم الصبح يهديلي ليره..
وجم عيد اليمر جم عيد ميلاد
لا جايب مخده ولا حصيره
شما اقترب منك تبعد المسافات
ولك والله بمحبتك حرت حيره
دكلي شلون ابدلك وارضى بالغير!!!
قلبي شلون هم الكالي غيره
لا تلعب لا تلعب يا عمري وصير حباب
تراني وداعتك كلش خطيره...