اقتباس:
المشاركة الأصلية كتبت بواسطة أقدع ناس
أخي الحانوتي
ما قلته أنت ينطبق على البعض وخاصة من نظامهم واحد ومكرر (الأماكن نفس الأماكن والوجيه نفس الوجيه)
بخصوص السكن بعطيك مثل بسيط
قرأت للكثيرين من خلال تقاريرهم ووصفهم لمقر سكنهم وخاصة الذين يسكنون الأماكن التي توصف بالأمان وأغلبهم يشكون من قلة النظافة وارتفاع كلفة السكن وسوء التعامل والاستغلال, فأين الراحة إذا كان مكان سكنهم غير نظيف وغالي وتعامل صلف واستغلال
أتفق معك إذا كان السكن في فندق معروف بالنظافة واحترام الساكن سواء كان 5 نجوم أو أقل
أما بخصوص السهر والـ..... أعتقد تفضيلها وتكرارها تعود للشخص نفسه وكيفية ارتياحه واختياره, وعلى سبيل المثال لو سألتني عن رأيي بخصوص تكرار السهر في مكان واحد أو مكانين فأنا أرفض تكرار نفس الأماكن ونفس الليالي, وأيضاً الـ.... رواد أماكن السهر وزبائنها الدائمين غير مناسبين لي في أي بلد أزوره
أنا مأقول إن المبالغ المذكورة غير صحيحة, ولكنها إذا تنطبق عليكم ومقتنعين بها ومناسبه لكم فغيركم يرون عكس ما ترون وليس لديهم استعداد لتكرار تجارب مكلفة ومستفزة والوقوع في أحضان مرتزقة واستغلاليين أو تجربة أماكن عفى عليها الزمن و.... مستهلكه
دائماً في الأماكن المشهورة في أغلب مدن العالم والمعروفة بتواجد الخليجيين بكثرة ترتفع فيها الأسعار بشكل مبالغ فيه ويكثر فيها الاستفزاز والاستغلال لسببين رئيسيين :-
الأول : بعض الخليجيين واسلوب المزايدة والتباهي والفشخرة الكذابة
الثاني : كثرة التواجد في هذه الأماكن بالتوريث والدعاية الكاملة لها من قبل مرتاديها, والنتيجة الطبيعية مبالغة المستفيدين بالأسعار واستغلالها من قبل العاملين في هذه الأماكن لمصلحتهم
معاك حق ، لكن للاسف جينا ولقينا هذي الاسعار ، قليز السكن رخيص لكن لما تسمع كلام عن المداهمات والمشاكل اللي ممكن تصير وتنكد سفرتك ، راح تدفع عشان تشتري راحة البال ، انا اشوف الاسعار غالية مقابل الاثاث الكئيب ، لكن ارفع الموسيقى خل الصوت يوصل لبيت مدير الشرطة ، ماحد يقولك اقصر الصوت ، وتاخذ جوك وراحتك هذا بحال ماحبيت تسهر برا ،،، كانت لي تجربة في اغادير بفندق الخليج مايسمحلك ترفع الصوت وسعر الفندق كان ارخص من الشقة الصغيرة اللي كنت اخذها في منتجع النخيل ، صراحه مااخذت الجو اللي احبه ، مع ان الفندق اثاث نظيف وخمس نجوم ، لكن تمنيت اني رحت مراكش في سكن اثاثه قديم وماخذ راحتي على الاخر افضل من سكن اثاثه جديد لكن مقيد بانظمة الفندق