رحله موفقه وسعيده انشاءالله اولا بالنسبه للسياره الافضل تاجر من المطار لانه بعيد عن المدينه وفنفس الوقت تسلمها فالمطار فنهاية الرحله وانت مرتاح . وابعد عن التاكس ووجع الراس . عندك مكاتب التاجير موجوده فالمطار تختار سياره اللي تناسبك ووقودها ديزل اهم شي تشيك على السياره موديل جديد صغيره شيك على البودي والكفرات والاستبنه خلي تشييكك دقيق وسجله فالعقد اي ملاحظه لو صغيره مثل كشطة مسمار. الايجار مايتجاوز ٢٥٠ درهم الى ٣٠٠ درهم فاليوم ويركب لك جهاز ال جي بي اس تحديد المواقع والطريق واحرص ان تكون السيار مؤمنه . وعندك مكتب الحربي لتاجير السيارات تعاملهم ممتاز واذا تبي رقم صاحبها ارسلك رقمه واتس سعودي تتواصل معاه. ٢- بالنسبه لنظام المرور ربط الحزام مهم للسايق والراكب وعليه مخالفه الطرق جيده وركز على اللوحات المرورية فالطريق كتحديد السرعه والتزم بالسرعه المحدده .يوجد محطات اسمها الاداء لدفع رسوم للطريق بين المدن واسعارها رمزيه. بالنسبه للفنادق انصحك تدخل على النت وتختار الفندق اللي يناسبك عن طريق البوكينج وتحدد مسار الفندق عن طريق جهاز الجي بي اس فالسياره وهو يتولى المهمه االى ان تصل الفندق واحرص على ان يتوفر فالفندق مواقف للسيارات . اتجه للشمال طنجه جميله .والطريق لطنجه ممتع ومناظر خلابه . الشمال بارد شوي ومراكش بارده جدا .او اذا تريد الدف فاتجه جنوبا لاغادير وارتاح ليله او ليلتين فمراكش ثم اتجه لاغادير الطريق سريع بين كازا ومراكش واغادير . بالنسبه للمطاعم احرص على طلب المنيو واغلبها باللغه الفرنسيه اطلب الترجمه من الجرسون واعرف السعر وصورها بالجوال .لمراجعة الفاتوره. واخيرا لاتثق في احد الانفسك مهما قدم لك من عروض مغريه .واستخدم جوالك في معرفة الخراءط والاماكن ومادام سيارتك معاك فالخيارات كلها بيدك وزي ماتفضلت التمشيه فالنهار وفالليل فالفندق او تتمشى فالمدينه . لاتحاول ان تسافر بين المدن فالليل حرصا على سلامتك ولانك اول مره تزور البلد . رحله موفقه وسعيده انشاء الله .