يقول الغريري ونبرة الحزن تغشاه = سهمٍ تمكن وسـط قلبـي صوابـه
بعض العرب لا غاب وقتٍ فقدناه = وبعض العرب لا غاب محدٍ درابه
بعض العرب في يومه تسعد بلقياه = وبعض العرب في يومه هم ومعابه
وكل شاعر يدّعي الحـب لليـلاه = والحب الصادق حب ما شك شابه
ابو سعد بأرض الأجانيب ذكرنـاه = له مدهل الضيفـان مفتـوح بابـه
ياسِعد منهو لـه قريـبٍ وخـاواه = وخوة رجاجيل على العز مهابـه
هو صاحبك ووقت الشدايد بتلقـاه = لمن نخيتـه: سـم هـذا جوابـه
سخرت شعري والقوافي بطريـاه = به العلوم السفرة والعيـب مابـه
ياوجد شعري وجد منهـو بفرقـاه = تبكـي قوافيـه الحزينـة عذابـه
رجل فقدتـه وأشهـد إنـا فقدنـاه = ربع وجماعه وكـل قـومٍ ولابـه
هذا قصيدي وكل طيـبٍ شرينـاه = ولا الردى حن نقلعه مـن ترابـه
وآخـر كلامـي ادعـي يالله يالله = يالله ان تعينه افغربتـه واغترابـه
وسلامتكم
__________________
