سافرنا للمغرب كثير .. والحمدلله ماعمرنا شفنا شيء غريب أو ممكن مانشوفه الا بالمغرب .. مسألة البخاشيش تلقاه بكل بلد عربي أو اجنبي سياحي ..

من المواقف الي صارت لي بالمغرب ( والي متأكد لو إن هالموقف صارلي بدوله عربيه ثانيه كان شفت أنواع الاستغلال ) فقدت جواز سفري أو بمعنى أصح مدري وين حطيته .. وكنت وقتها طالع من كازا لمراكش .. وصلت لمراكش وجيت بسكن مالقيت الجواز .. قلب يمين يسار مافيه أمل .. دبرت أموري وسكنت بحكم علاقتي بواحد من الي بالدرقاوي .. بعدها طلعت لقسم الشرطه عشان اسوي بلاغ فقدان الجواز ( حسب توجيه موظف السفاره السعوديه ) فعلاً سويت بلاغ رسمي ولقيت معامله راقيه بالقسم .. ولا احد لمّح لمسألة الرشوه او بخشيش مقابل الخدمه الي راح يسويها لي .. كل الي دفعته بالقسم 70 درهم .. 30 درهم طابع على البلاغ .. 40 درهم رحت صورت لانهم طلبوا مني صور شخصيه ..

هالموقف لو صاير بدوله ثانيه .. راح ادفع مبالغ كبيره بس عشان اسوي البلاغ .. لكن بالمغرب ماشفت أي نوع من الاستغلال .. بالرغم من إن المجال كان متاح ووقتها اعتقد لو طلب مني احد ان ادفع اي رقم مستعد إني ادفعه مقابل اني اخلص موضوع جواز السفر ..

الكلام الي نسمعه عن المغرب .. طبيعي وعادي ونشوفه بأي مكان .. زد عليها بعض تصرفات السعوديين الي تفكيره إني بفلوسي اشتري العالم .. وتلقاه يطلع قدام الله وخلقه بحاله مخله بالأدب ويبي العالم ماتقوله شيء .!!

هالاشكال هي الي تخرب سمعة السعوديين .. قاعدتين لازم كل واحد يسافر يطبقها .. ياغريب كن أديب .. إذا بليتم فستتروا .. طبق هالقاعدتين وامورك كلها بالسليم ..

__________________
نلتقي .. لنرتقي ..