اقتباس:
المشاركة الأصلية كتبت بواسطة أبو لدغة
اسعد الله اوقاتكم يامزعوطين
بإذن الله قررنا الذهاب إلى مراكش يوم الاربعاء 1432-3-6 الموافق 9 فبراير والعودة يوم الجمعة 15 - 3
يعني 7 ايام فعلية بدون اليومين للذهاب والعودة ...
عدد المزعوطين في هذه الرحلة 3
اولا وليس آخرا <-- متعوب عليها ترى
الحقوااااا على الحجز لآن الاسعار تختلف من وقت الى وقت ومن دقيقة الى دقيقة ثانية !
اول مادخلت على الخطوط السعودية وكتبت تاريخ الرحلة حصلت سعر التذكرة 1250 ريال ذهاب واياب طبعا المخفضه لكن للاسف تأخرت بتاكيد الحجز وبعدها بنص ساعة اعدت ادخال نفس التاريخ وصار سعر التذكرة 1800 ريال
وطبعا الشكوى لله اكيد حجزنا وشريت التاكر بوقتها عن طريق الفيزا
1 - بداية شهر 3 عربي موعد الرحلة ايش العيوب في هالوقت وايش المميزات لو وجدت .
الوقت حلو يا الغالي و راح تاخذون راحتكم ع الاخر و الاسعار حلوه و الديره زوينه
2 - نوينا باذن الله قضاء 5 ايام في مراكش واخر 3 ايام في كازا لذلك نوينا باذن الله السكن في منتجع النخيل في مايخص مراكش ابي اعرف ( 3 غرف وصالة بكم تقريبا - رقم منتجع النخيل - عيوبة - ميزاته - بعده عن وسط البلد ).
بالنسبه لي السكن برسلك رقم و اتصل عليه و ما يصير خاطرك الا طيب
ثلاث غرف يعني الاصل لكم فله و راح تحصلها في ذاك الوقت تقريبا ب 2600 درهم
بهالحدود في المنتجع مراكش بصفه عامه تحتاج انه يكون معك سيارة اجار
او سائق و المدينه صغيره و سهله ما راح تضيع فيها يوم وانت عارف اغلب الشوارع
المنتجع ميزته قريب من اماكن السهر بس المطاعم و الاغراض زي ما قلت لك
يلزم سيارة اجار او سائق خاص عشان تتنقلون براحتكم اذا بغيت سياره اجار
عندك الاخ bladi و الاخت pinkygloss في قسم عروض التاجير تقدر ترد على موضوعهم
و تستفسر منهم
3 - شهر 3 عربي اللي يوافق مثل ماذكرت بداية شهر فبراير كيف وضع الطقس ( حر - برد - معتدل ) في مراكش .
الطقس راح يكون بارد نسبيا وخاصه بالليل بس راح يكون اخف من هذي الايام
4 - هل يوجد مكان آخر افضل من منتجع النخيل في مراكش وماهي ميزاته وعيوبه .
فيه اماكن اخرى في وسط البلد و ميزتها قريبه من كل شئ و اذا ما كان معك
سائق او سيارة اجار الافضل انك تسكن فيها اما المنتجع فهي ميزتها انها هدوء
و اكثر امان اذا حبيت السكن في وسط البلد عندك العضو احمدا2ات منزل موضوع
في قسم عروض التاجير تقدر ترد على موضوعه و تتواصل معه
5 - كم تبعد مراكش عن كازا - وماهي اوقات القطار الموجودة من مراكش الى كازا والعكس وكم الاسعار علما باني باذن الله راح احجز عن طريق النت بالطيران الداخلي لان سعر التذكرة 400 درهم لكن ابي معلومة تفيدني كمعلومة ويمكن احتاجها فعليا مين عارف .
اخوي انا نصيحتي لك انك تاخذ سيارة من المطار اجار او مع سائق اذا كنت ما تدل الديره زين يكون افضل و تتوجه مباشره لمراكش ثم بعد ذلك ترجع لكازا و تكمل بقيه ايامك
في كاز لانها قريبه من المطار تقدر اذا رجعت من مراكش لكازا تستغني عن السيارة
لان سيارات الاجره كثير في كازا بعكس مراكش بالنسبه لي القطار تقريبا من كازا
لمراكش 140 درهم درجه اولى و 90 درهم درجه ثانيه يعني سياحيه و اوقات القطار تقدر تعرفها من خلال
موقع القطار ديال المغرب
https://www.oncf.ma/
6 - ايش الاماكن اللي بمراكش لو مارحت لها بيقولون لي تراك اجل مارحت مراكش وضيعت عليك الشي الكثير
عندك ساحة جامع الفنا لابد انك تزورها لان اذا رحت مراكش و ما زرتها ما كنك رحت
عندك شلالاات اوريكا من اجمل الشلالات لات تفوتك
حديقه المناره شارع قليز الكفيهات يعني يعتبر القلب النابض لمراكش و ايضا
7 - من وين احجز منتجع النخيل , هل فيه مواقع انترنت ارخص وموثوقه او اتجه للمؤيد او مكان غيره او اتصل فيهم مباشرة .
بالغالب هي فيه منتجعين جنه النخيل و منتجع النخيل و كلها جنب بعض
بالنسبه لي جنه النخيل انا برسلك رقم صاحب فله و يكفي انك تعطيه موعد وصولك
وتتفق معه على السعر و بكذا يكون مضمون ان شاء الله و ايضا تقدر تتصل على رقم
منتجع النخيل و تطلب حجز و تعطيهم موعد وصولك و بالنسبه لي الحجز و السكن
لا تشيل همه لان الوقت اللي انت رايح فيه ما فيه احد
سابقا زرت اكادير والرباط وتمارا وكازا وبصراحه فيه فرق مابين كل ماذكرت وبالنسبة لي اكادير افضلهم لذلك ابي اعرف تقريبا ايش المكان القريب لمراكش مابين الاماكن اللي زرتها انا وذكرتها لكم علشان تقريبا اقدر اكون فكرة عن المدينة .
تقريبا كلها نفس المسافه كازا اغادير الرباط بس كازا تعتبر اقرب
---------------------------------
ملاحظة
تصفحت المنتدى وحاولت اجمع بعض المعلومات بس اتضح لي ان منطقة المنتجعات تقريبا هي وحده يعني بالنهاية توديك الى جنة النخيل والفلل التابعه للدرقاوي
هنا بصراحه انلحس مخي انا كنت مفكر ان الفلل وحده والاسم واحد منتجع النخيل
لذلك <--- ياكثرك اخلص :Abu Ahmed (103):
ايهم انظف
ايهم افخم
ايهم اموره طيبة من ناحية السماح للضيوف على قولتكم طيور :Abu Ahmed (782):
تقريبا بكم الاسعار
شف هي المنتجعات اغلبها في منطقه اسمها منطقه حدائق النخيل على طريق كازا
يعني اول ما تدخل مراكش تحصلها على يدك اليسار في المنطقه هذي
فيه منتجع جنه النخيل و القولدن و منتجع النخيل و منتجعات كثير
طبعا افضلها من ناحيه السمعه منتجع النخيل
بالنسبه لي الشقق منتجع النخيل افضل و ايضا الفلل جيده بس غاليه
بالنسبه لي جنه النخيل الشقق فيها ما تنفع لكن الفلل فيه فلل فخمه و ممتازه
وسعرها قلتلك في الوقت اللي انت رايح فيه 2600 درهم لي ثلاث غرف + مسبح خاص بالفله
والف شكر لكم
هذا و اتمنى لك سفره موفقه يا الغالي و الرد في الاقتباس