اقتباس:
المشاركة الأصلية كتبت بواسطة DarkMoon
اكتب لكم الان من الرياض
وصلت الرياض بحمد لله
الخميس صحيت من النوم ع الساعه ١٢ الظهر وشناطي مقفلها من الليل شيكت ع الغرفه
طلعت من المنتجع بعد دفع المبلغ واستلام الجواز
غداء امس يوم السفر كان في مطعم البركة اللي في مدخل مراكش طاجين نص كيلو ( من الذ الطواجن اللي اكلتها ) + ريش مشاوي لذيييذه جدا وكفته بالجبن وسيخين شيش طاووق+ خبز بلدي وسيدي علي كبيره واتاي
ما قدرت اكمل الاكل كله
الحساب ٢٦٠ درهم
ثم توجهت الى مطار محمد الخامس في كازا الطريق مدته تقريبا ساعتين
ووقفت في اخر محطة قبل مخرج المطار ضروري هالوقفه اشوفها منها تجهز أوراق السفر من جواز وخلافه
وايضاً شيكت على السيارة ونظفتها من الداخل احرص تسلم السياره مثل ما استلمتها
وبعدها دخلت للمطار
في موقف هنا لازم اذكره واحذركم في منطقة مواقف السيارات في المطار حاولو تخدمون انفسكم بنفسكم او اطلبو المساعدة من العمال اللي يشتغلون رسمي في خدمة زوار المطار ،، غالبا تحصلونم يلبسون زي رسمي جاكيت بني فاتح
المهم الموقف
سلمت السيارة وجاء احد الشباب بدون ما اطلب شال شنطتي وحطها في العربية ومشى وكان بياخذ لفه طويله على المواقف علشان يحسسك انه تعب مع ان البوابه قدامه .. طبعا قلتله تعال وين رايح شف البوابه من هنا ...هو مايقدر يدخل بحكم انه مو موظف وممنوع يدخلون منطقة امام البوابة للمطار قالي خلاص دف ألعربيه انت قلتله خلاص الله يعطيك العافيه طلعت ٥٠ درهم عطيته ... قال ايش هذا بس ٥٠ درهم زيدها مثلها
متخيلين وش سوا ؟ بس جاب عربيه وحط شناطي فيها بس!!!
قلتله معليش ياصاحبي هذا اللي عندي
الله يهديه ماخلا سبه ماسبني فيها ههههههههه
تجاهلته
وفِي اول تفتيش على البوابه كان جوالي راح ينسرق لكن ربك ستر انتبهو لاغراضكم
مطار كازا بالنسبة لي مطار متعب دايم ماتواجهني مواقف ترفع ضغطي
تختيم الجواز للخروج طولو معي يلمحون بشكل صريح وبجيح اول مره اتعرض لهالموقف طولت بالي معهم وسويت نفسي غبي الين ختم الجواز قلت يلا حمدلله هانت
بعدين مريت تفتيش الجمارك فتشني وقال طلع اللي بجيبك طلعت اللي بجيبي كان فيه فكه من الدراهم يمكن ٢٠٠ درهم تقريبا قال مغربيه هذي الفلوس .. قلتله ايه.. قال خلاص حطها بيدي !!! قلت وليش احطها ؟ ويقرب يده من يدي ويقول حطها !!!!
سحبت يدي منه وأخذت أغراضي ومشيت
وش السالفه اول مره تصيرلي هالحركات بهالبجاحه والله
شي يكرهك في المطار والله
طبعا الفكه اللي كانت بجيبي دائماً احرص أوزعها على عمال النظافة في دورات المياه اللله يكرمكم احس هم فعلا اللي يستاهلون مو العسكر ...
شكرًا لكم
الحمدلله على السلامه وأكثر شي يكرهك بالمغرب التعامل السئ بمطار كازا .