ما أشوف فيه صعوبة ، مطار مختصر وكل شي فيه واضح . ولكن إذا تبغى وصف كامل له :

تنزل من الطيارة اتبع مسافرين رحلتك ، على طول لطابور الجوازات .

خلَّص من الجوازات ، بيجيك سلم انزل تحت ، بوجهك فيه مكاتب الاتصالات ، وجنبهم صرافين بس ما انصحك فيهم نصابين سعرهم دايم نازل .

خلَّص من الاتصالات ؛ وتحرك لليسار لاستلام العفش ، استلم عفشك ، ورح للجمارك خلَّص وامش على طول للصرافين ، بنك وفا والبنك الشعبي . بعدها بوابة الخروج ودرب السلامة .. وش الصعوبة في ذلك ؟

بالنسبة للعودة .

تدخل البوابة من المحطة 1 تفتيش روتيني ، امسك اليمين وبتّل لين اخر المطار ، بيجيك كاونتر السعودية . خلص امورك واصعد الدور الثاني ، لافته يشوفها الأعمى مكتوب الرحلات الدولية ، تدخل الباب للرحلات الدولية ، تفتيش بسيط ، تمسك طابور للجوازات ،. بعدها ادخل صالة المغادرين ، تأكد من رقم بوابتك وانتظر هناك ...


تحياتي .