اميين ويسعدك ورحله موفقه اسمحيلي اختي افتكرتك رجال والرجال يحبون الاستكشاف والهجوله . واجازتكم محدوده ٢٣ يوم
اولا المغرب جميل للعوايل من تجربه والشعب المغربي مضياف واي مغربي ومغربيه تساليه عن اي شي سواء اثناء السفر فالطريق يرحبوا ويدلونك بكل صدق خاصه العوايل . وتبارك الله السنه هاذي جاتهم امطار خير جعلت ارضه جنه خضراء .
ثانيا بماان اجازتكم معدوده ورغبتكم الاولى الجو والطبيعه والاستجمام . فافضلكم الشمال والمدن الساحليه فالشمال بدايه من طنجه يكفي ان ملكنا سلمان الله يحفظه اختارها مصيف ومن بعد تطوان (منطقة مارتيل ) شفشاون الحسيمه الناظور والعوده بنفس الاتجاه .
ثالثا بالنسبه للمنتجعات والفنادق والشقق المفروشه متوفره في كل مدينه ممكن تحجزي عن طريق البوكينج ومادام معكم سياره وسواق تقدروا تختاروها من البوكينج وتشوفوها على الطبيعه
وتحجزوا بنفس المكان اذا اعجبكم وعادت تقييمات البوكينج صحيحه ميه بالميه وتختاري تقييم الافضل من ٧ ونص الى ٨ .
رابعا افران جميله وسويسرا الشرق بس الطريق لها عبر فاس والطريق من الشاون الى فاس طويل وصعب ووعر فالافضل تلغيها لانها مو على مسار الرحله ومدن الشمال تغني بحر وطبيعه وجمال .
وطريق البدايه من كازا لطنجه طريق سريع ويمر بمدن جميله زي العرايش مدينه هاديه وشواطي
ويوجد اخوات مغربيات لنا فالمنتدى يعرفوا رغبة النساء ممكن يفيدونك وراح يفيدوكي اول مايشوفي موضوعك .
اتمنالك رحله سعيده مع العايله .