الأخ الكريم بو دحوم أولا حمدلله على السلامة و المهم ان اشيائك و شنطتك رجعت بالسلامة
الموضوع هذا يحدث في جميع الخطوط الجوية العالمية أيا كانت ولو تبي امثله اعطيك ...
طيران الاتحاد لو تدخل التويتر تشوف كمية شكاوي الى الليل ....
الخطوط السعودية حبيايبي هههه سوها فيني شخصيا وصلت وما وصلت شنطتي
الطيران الفرنسي وصلت لندن وما وصلت شنطتي الا بعد 6 أيام ...
وغيرها كثير ....
اللي يفرق هو تعامل الشركة بعد الفقدان فيه شركات تسحب عليك وفي شركات مثل ما تفضلت تحتاج تسولف معاهم على تويتر وتفرج عليهم خلق الله عشان يلتفتوا لك .
وفيه شركات تبادر لك و تحاول تقديم أي شي عشان تحافظ على سمعتها ..
الشي اللي احب انوه عليه للجميع اني افضل دائم عمل الحجوزات عن طريق البطاقة الائتمانية
لأسباب كثيره من أهمها ان في حالة فقدان او تأخر الشنط أو تأخر الرحلة يتم تعويض المسافر
بمبلغ مادي ( كل على حسب حالته ) طبعا كل بطاقة لها شروط واحكام وتختلف من بطاقة لاخرى
وأخيرا حمدلله على سلامتك
__________________
كل تعميم بهذه الحياة خاطئ ... حتى هذا التعميم ...