رد: رحلتي الى المغرب من الشمال الى الجنوب
[B]بسم الله الرحمن الرحيم
السلام عليكم …. وكل عام و انتوا بالف خير و عساكم من عواده حبايبي المزاعيط ، اتمنى انكم قضيتوا عطله جميله في العيد ، اسمحولي يالغالين تاخرت في تكملة الموضوع و ذللك لظروف العمل في الايام الاخيره …. انشالله انكمل اليوم الرحله لنهايه و الشهر الجاي اوعدتكم انشالله بتقرير اطول و اجمل من هذا و انشالله ينال على اعجابكم . ماطول عليكم …. نكمل بقيه الرحله
آغـــــــــــــــــــــــ ــــــــادير
اغادير و ما ادراك ما اغادير …….. طبعا مثل ما وصلنا في اخر تقرير طلعنا من مراكش الظهر تقريبا كانت الساعه حوالي 01:00 وهاذي كانت اول مره لي اسافر على الطريق السيار الجديد لاغادير دايما كنت اسافر على الطريق القديم اللي الواحد يتشهد فيه 100 مره مايدري اذا بيوصل و له لا من خطورته … المهم صديقي اللي معاي مسكين مرض من شرب العصير كل يوم و كنا اندور على صيدليه و اذكر كان يوم احد جلسنا اندور اندور لين ما حصلنا الصيدليه المناوبه خذنا الادويه و مسكنا الطريق كانت السياره فيها شويه بترول قبل مانوصل الاداء لقينه محطة بترول صغيره مكسره ،، كنت بعبي منها بس الله يهديه اللي معاي قالي روح روح كمل هاذي شكلها يخرع بتخرب السياره خلنا انعبي بعد الاداء قلت له اوكي كملنا تعدينا الاداء …. نطرنا نطرنا مافي لا محطه و له شي شوي اله اشاره البترول ولعت قلت صاااااااااارت شوي اله الاستراحه بعد 25 كيلو قلت الله يستر بس الحمدالله وصلنا المحطه على اخر شي عبينا و كملنا الطريق … الطريق كان حلو و مريح خذنا تقريبا 2 : 45د طبعا و احنا في الطريق سوالف انا و اللي معاي عن السكن و السهر و البحر و الكورنيش و ال و كل شي و كانت طبعا النيه على فندق صحارى عشان السكن . دخلنا اغادير و صلنا فندق صحارى وقفنا عند البوابه جانا السكيورتي قالنا انه الفندق نغلق للصيانه وراح يفتح بعد كم شهر …. طبعا كل و احد مد البووووز بس سئلته عن السهره بعد قالي لا الديسكو مفتوووح ردت فينا الرووووح قلنا و ين انروح رحنا فندق اماديل كان ممتاز و حلو و سعره جيد 1000 درهم غرفه مزدوجه مع فطور يعني مافي داعي تفتح غرفه للضيوف و امورك طيبه هناك ، و صلنا الفندق كل و احد خذ غرفته و رحنا نتعشى في المرسى طبعا وبعدها رحنا المارينا تمشينى شوي و تقهوينا و بعدها رجعنا الفندق نمنا شوي و صحينا الساعه 11 بليل لبسنا و رحنا على Britesh Pub القعده حلوه هناك الصراحه بلشنا بلعصاير لين الساعه 1 رحنا مكان اسمه فوكت علبحر محل حلو صغير فيه طرب مغربي طبعا لين 3 بعدها رحنا فندق صحارى ديسكو شهرزاد طبعا اول ما دخلت انتو عارفين الاجواء خطيره داخل كان فيه اشياء غريبه عجيبه خذنا طاوله و جلسنا و كل واحد اخذحقه بدري بدري اول يوم مر حلو.
اليوم الثاني رحنا البحر العصر كان الجوووووو روعه طبعا و بعدها رحنا تغدينا في مطعم اسمه مشاوي النهضه وبعدها رحنا حمام مغربي عملنا حمام خطير و بعده مساج و كنا ريلااااااكس على الاخر رجعنا الفندق و كلمنا اطيورنا جاو بليل على الساعه 8 تقريبا لكن كانو اطيور على مستوى طلبنا عصير في الغرفه و جلسنا كلنا مجموعين 4 كانت جلسه حلووووه اغاني و سوالف و رقص بعدها جات تقريبا الساعه 12 امسكت معاي اله اروح ال و اللي معاي عاجبتهم الجلسه في الغرفه قلت لهم تدرون خلكم انتو و صاحبي و انا بروح ساعه و راجع لكم . ورحت اتلانتيك و الله و ضرب الحظ ذاك اليوم ماكملت الساعه و رجعت الفندق اله الشعب مولعين في الغرفه يالله يالله سهر هم في الاول قالو مانبي نطلع لكن العصير و مايسوي المهم رحنا الباباجيو بس كانت ليله خطيررررررررره طبعا ماقدر اقول باقي التفاصيل .
طبعا قضيت فترتي في اغادير، و صديقي اللي معاي كان المفروض يسافر من مطار اغادير علي اسبانيا اخذ طيارته و توكل على الله و انا رجعت لوحدي لمراكش جلست ليلتين هناك بروحي و في اخر يوم جلست في الشقه ماطلعت مكان انتوا عارفين ملل الاجازه خلصت و الواحد يفكر في الدوام بعد ايام حلو قضاها في المغرب تقريبا شهر جلست اخر الليل اعيد و ارجع الشريط من اول ما وصلت ليين هاذي اللحظه حسيت انها رحله كانت روووووعه جات الساعه 4 الفجر جهزت اشناطي و طلعت من مراكش متجه الى الدار البيضاء مطار محمد الخامس و صلت هناك الصباح جلست في المطار لين اعلنو عن قيام رحلة الخطوط الجويه القطريه المتجه الى مطار الدوحه الدولي و في هاذي اللحظه انتهت رحلتي وانشالله يكون التقرير عجبكم اخواني و حبايبي المزاعيط و انشالله موعدي معاكم الشهر الجاي في رحله راح اتكون مفصله اكثر من هاذي وراح اتكون بلصوت و الصوره كل يوم بيومه
و كل عام و انتم بخير
]YouTube - Broadcast Yourself.
__________________
التعديل الأخير تم بواسطة حنون المغرب ; 2011-09-05 الساعة 06:46 PM