المشاركة الأصلية كتبت بواسطة محمد الدمام

مساء الخير للاخ كازاوي ولجميع الاعضاء والزوار
بتكلم عن موضوع الزواج والمهور حسب تجارب ونقاشات وزيارات لمختلف المدن المغربيه .
طبعا مافي مقياس معين للمهور او مبلغ محدد عشان نقدر نقول المهر هذا ثابت فهي تختلف باختلاف الاسباب لكن بالمجمل وبشكل عام لي زيارات لمناطق عديده بالمغرب وتطرقت لهذا الموضوع المهر ومبالغ الزواج ماهو مهم بقدر اهميه التوافق والتفاهم والانسجام بين الزوجين خصوصا بالمغرب بمعنى اذا كان في قبول من الطرفين وهي فعلا تبيك من داخلها وليس لمصالح ولمطامع ممكن تتقبل منك اي شي وبالاخير هالشي يعود لكرمك معاها .
انا شخصيا كنقاشات مع اكثر من حالات كثيره نفس المبلغ اللي اذكره اخ كازاوي وفي كم حاله مبالغ مرتفعه.
لي صديق قبل كم شهر تزوج بالمغرب وكلفه الزواج بالكامل حدود 30000 الف درهم تقريبا نفس المبلغ اللي ذكره اخ كازاوي.
طبعا اكيد وشي طبيعي ان هالمبالغ هي اقل شي كمهر و كحفله وملحقاتها يعني ماهو شي فخم او شي متوسط.
فالمساله باختصار قبول وقناعه ومدى كرم الزوج مع زوجته حسب قدرته الماديه واستطاعته .
كمثال بسيط:-
ممكن فتاه مغربيه ميسوره الحال شاء القدر ان يكون نصيبها خليجي على قد حاله ممكن تتنازل عن امور كثيره عشان يكون زواج بينهم لانها تبيه.
وممكن فتاه من اسره فقيره شاء القدر ان يرتبط بها شاب خليجي ميسور الحال ممكن تطلب منه طلبات تعجيزيه لاهداف خاصه فيها.
المساله حسب التوافق والرضا والقبول والقناعه.
انا كسعودي بتكلم اذا كان متوسط المهور عندنا خمسين الف ريال فليه استخسر على اللي برتبط فيها من المغرب بمبلغ يوازيه دام انه نيتي زواج وتكوين اسره .
وبالنهايه يفضل اللي يتزوج من الخارج سواء المغرب او غيرها يدرس جميع الامور ومن اهم الامور الماديات فاذا كان الشخص غير مقتدر انصحه يتزوج من بلده ممكن زواجه من الخارج مايكلفه شي بالوقت الحالي بس كثر الزيارات وملحقاتها راح ترتبط فيه مدى الحياه.
كل شخص ناوي الزواج هو اعرف واعلم بظروفه ويشوف الاسره والفتاه اللي تتماشى مع وضعه.
المغرب بلد مثل اي بلد في العالم فيه طبقات مختلفه وكل اسره وفتاه لهم وضع خاص وصعب نعمم على كم حاله ونقيسها على بلد كامل.
الموضوع هذا يطول الحديث فيه بس بااختصار دامك بتتزوج من المغرب ولا غير المغرب اكرم زوجتك وعزها حسب استطاعتك وقدرتك .