قبل أن اتكلم عن اول رحله لي في بلاد المغرب ار جو أن تعذروني لا اريد ان انسق موضوعي او اجعل له رتوش ومكياج ولن اراجع ماكتبته
اول مره سافرت للمغرب كان عام 1415يوافق عام 1995كنا بدبي بدايه الصيف نبيع العلف بند الشبا وهي منطقه خاصه بالابل نشتري بالجمله ونبيع بالمفرق وكان اخوي عنده ذود هناك لسباق الهجن وله مأرب اخر.
المهم قريبي عقب مكسب كبير بالمبيعات قال وش رايك تخاوينا للدار البيضاء وكنت ببدايه العشرين من عمري حدي الكويت قطر الامارات اتصلت على الوالده وتاكدت اني ابروح مع ذاك الرجال لان سمعته بعائلتنا قويه وتوكلت على الله وركبنا الطياره كان يوم لايوصف حتى اني مانمت ليله السفر
وصلنا مطار كازا وبعز معاناه الجوازات لانه كان بالصيف وزحمه المهم قريبي كان مجهز خويه راعي الطاكسي وكان باستقبالنا وركبنا معاه قريبي قدام ونا راكب بالخلف وكان معي كاميرا كوداك وافلام تصوير بس قاعد التقط الصور يمين ويسار
تفاجأت انه قريبي مع راعي الطاكسي يتهامسون قاله اليوم قال اليوم لازم عرفت بعدها انه قريبي يبي يصرفني على طول قالي شف نبي نحطك بفندق تريح ليلتين وبعدها ارجعلك
سكنت بفندق مليان افارقه بشارع للا الياقوت
انبهرت من جمال سماء كازبلانكا بعز الصيف ودرجات الحراره المنخفظه نسبيا عن بلادنا نمت تلك الليله نوم عميق وفي الصباح على بوفيه الافطار المتواضع وبعدها قلت بنفسي اخرج للتجول يمين ويسار لم تكن هناك موبايلات او وسائل اتصال حتى اصبحت ضايع في شوارع العاصمه الاقتصادية للمغرب
ركبت التاكسي وانزلني على عين دياب بالقرب من جامع الملك عبدالله وقصره صليت الظهر والعصر جمعا وقصرا واخذت امشي بلاهدف حتى التقيت بشاب مفربي فاضل اسمه رشيد وساكمل الموضوع في حلقه ثانيه