الحلقه السابعه
بعد استقراري النسبي بمراكش ومنتصف عام ٢٠٠٠اختبرت الاختبار النهائي للبكالوريس الجامعه بجده جامعه الملك عبدالعزيز انتساب تخصص تاريخ وحصلت على الشهاده بتقدير جيد رجعت لمراكش وتعرفت على موظف بالسفاره السعوديه يتردد على مراكش وقالي عن جامعه الاخوين تستقبل طلبه الماجستير وباللغه الانجليزيه قدمت عليهم وبدأت الدراسه وفي نفس الوقت امارس هوايتي بالتجول والسياحه كأن الدنيا ملكتها دخل يأتيني من كازا ودخل في الرياض والدخل الثالث من دبي لاني تشاركت مع قريب لي على تريلا انا براس المال وهو ينقل العلف من الدواسر ويبيعها بند الشبا قريب من دبي وصارت هي اول المصايب لانه السعوديه منعت تصدير العلف فاتفقت انا والرجال ابيعله التريلا وصفيت اعمالي بالرياض ودخلت بمشروع تجاري مع واحد تونسي بالمغرب اقنعني انه وكيل شركه يابانيه للدراجات الناريه وجميع اوراقه معاه طبعا مزوره وقال السوق السعودي متعطش للهارلي وانه راح يساعدني باستيراد دراجات مستعمله من اليابان تحمست للفكره وعملنا معرض بحي الروضه بالرياض بعد التصاريح وتكاليف واذن استيراد المهم ننتظر البضاعه شهر شهرين ماجت رحت لمه بحي معاريف بكازا مقر سكنه وجلس يقول انه بضاعتي عليها مشاكل بالتصدير من اليابان اشتبكنا بالكلام قال الي تريد تعمله اعمله رفعت عليه قضيه لانه تقريبا ٩٠٪من حلالي على المعرض والبضاعه وعمال بالمناسبه فيه محامي بكازا شاطر جدا في الحقوق الماليه وتولى قضيتي الي يبي رقمه يرسلي على الخاص المهم في نفس الوقت طلبت مني سعاد التقدم لخطبتها من اهلها لانه جايها عريس وصعب عليها تأجل الموضوع رحت لاهلها وتقدمت لهم بصوره سريعه طيب وين التصاريح وين على الاقل هديه تدخل فيها عليهم ههه المهم والدها ماقصر قالي اذا تعرف اثنين واحد سعودي وواحد مغربي يزكونك عطني وسائل الاتصال بهم عطيته رقم واحد عسكري بالملحقيه العسكريه بالمغرب وعطيته رقم رشيد صديقي المغربي الاول بعدها باسبوع اتصلت علي سعاد وهي تبكي وتقول انه صاحبك السعودي قال عنك بخيل وانه زوجته بالرياض تاركها واهلي قالو الحمد لله الي كشفناه وابوي مايطيق اصلا يقابلك او يتصل عليك يبلغك بالرفض انا كنت بافران لاشعوريا طلعت على كازا ونا بالسالميه تعطلت علي السياره وقفتها اتصلت على الي قال عني هذا الكلام قال انا بمراكش انا خفت اعلمه اني عرفت ماقدر القاه بعدين لاني بصراحه ناويه ههه قلت الحين ابجيك ابركب القطار وصلت مراكش وينك يافلان قال الحين بمطعم ستديو مصر ركبت التاكسي ونا ماشوف ناويه ناويه هه دخلت عليه بالمطعم ياجماعه الخير كأن الله انزل علي السكينه والهدوء العجيب تكلمت معاه بأدب ليه قلت عني كذا قال يارجل مو انت متزوج قلت الا قال وش ذنب المسكينه الي توك متزوجها قلت الله يرحمها توفت وقلت لك الكلام يوم حنا بعين الدياب مع العميد قال والله ماسمعتك قلت هذا اخر يوم لي معك ولو شفتك مره ثانيه مدري وش اسوي مشيت من عنده وحب يسويلي جميل كنت بحاجته بصراحه الخدمه الي عملها وهي انه كلم الضابط الملحق العسكري وقدملي المعروض باسمي للامير سلطان الله يرحمه ووافق الامير على تغيير نظام دراستي الى حسابه الشخصي وبخلال اسبوع تمت الاجراءات ولعلنا نكمل المره القادمه