من المواقف الممتعه والتي اتذكرها في رمضان مراكش عام 2005 اتصل علي مكتب احدى الشخصيات واخبرني انه راح يجيني وفد علشان يحددون مكان اقامه الشخصيه هذه ولازم تكرمهم وتقوم باللازم معاهم واكتب الفاتوره الي تبي قل تمام كان اول واحد من هالوفد راح يجي بكرا وكلمت سيده فاضله تشتغل طباخه ومعها اختها واولادها وتبعوني الى طريق اوريكا عند المزارع هناك حيث مكان الي راح يجون واولهم ماشاء الله عليه واصل بطياره صباحيه يعني تقريبا 1الظهر اربع العصر عندي جاي بجيب شاص نيسان ههه مقلع اخر اقلاع اول ماجاء لمي عندك لابتوب قلت ايه قال افتح سوق الاسهم وكان النت ذاك الايام يالله نجر الصفحه جر بواسطه كونكت نحطه على بوسط اللابتوب انفعل علي قال الحين مذن المغرب بالرياض ابفطر قلت ياخي مايصلح لازم تفطر على صيام اهل البلد الي انت وصلتهم قال ماهو صحيح وكان عندي رقم الشيخ يوسف الزهراني كان يتردد على كازا ضمن جماعات الدعوه قلت خلنا نتصل على الشيخ مانتظرني افطر على تمر تونسي جاني كان طيب المهم اتصلت على الشيخ قال الحين هو افطر قلت ايه قال بلغه عليه يوم هههههه المهم بلغته وكنت جايب معي خروفين قال يالله نبي نذبح واحد الحين ونتعشى عليه مقلقل قلت تحت امرك وعلى المصريين الساعه بخمسه جنيه والحسابه بتحسب هههههه ذبح وعملت لنا الطنجيه والرجال مصر على المقلقل وفيه صاج حديد تاركينه الجماعه من العام الماضي حطينا تحته الحطب واشتغل الرجال قال نتمشى بالشاص قلت يارجال المزرعه بالليل مظلمه المهم اصر ركبت معاه وفوق تحت لين دخلنا على صبات كان فوق مجرى مويه ضرب راسي الطبلون ووطلع نتوء بجبهتي خفيف وهو الدم يصب من شفايفه قلت حسبي الله عليك ويالله رجعنا لمكانا وركب معنا ابن الطباخه على اقرب مستعجلات
ولاتسحرنا ولا شي واتصلت على المكتب قالو نعوضك لخير وفعلا ماقصرو معاي ومن يومها هو راح الصبح واخوياه جو ولاشفته ابدا هههههه