مادام قلت تكفون والله أبشر بسعدك يابو لدغه خذ العلم وانت براحتك والاخوان مايهونون كفو ووفو
بالنسبه للسكن ترى فيه منتجع النخيل الجديد نظيف ورايق انا سكنت فيه آخر مره قبل شهر شقه ثلاث غرف 1300درهم في الايام العاديه والخميس والجمعه 1500درهم مع الشغاله واذا تبي الشغاله 24 ساعه تعطيها اليوم 100درهم خلك من الفله خسارة فلوس بدون فايده لان الوقت الي بتروح فيه برد وماراح تستفيد من المسبح واماكن السهر قريبه منك الياسمين والنرجس والسياره فيه واحده انا متعامل معاها عندها مكتب تاجير على طول يستقبلك في المطار السواق وياخذك و24 ساعه تحت طلبك والاماكن الي تزورها عندك ساحة جامع الفنا واحسن وقت تروح لها بالعصر وعندك حديقة ماجوريل وحديقة المنارة والمدينه القديمه باب دكاله ولاتنسى تروح شلالات اوريكا وتتغدى في مطاعمها الشعبيه 70 كيلو عن مراكش واوكايمدن تشوف الثلوج 90 كيلو عن مراكش وعندك مقهى ايليت راقي في شارع قليز بجنب ماكدونالدز واي استفسار خاص راسلني على الخاص.
وتقبل مروري