اقتباس:
المشاركة الأصلية كتبت بواسطة غريب وبس
بصراحه انا مادري وشلون مايهمك المبلغ ياخي حتى المليارديرات ماقالوها يعني مثلا فيلا قيمتها باليوم ٣٠٠٠درهم مايضرك لو دورت بساعه ساعتين حولها ولو لقيت ب٢٨٠٠درهم هال٢٠٠تصدق فيها تدفع عنك بلاوي وتلقى فيها اجر والباقي قيس قيس
هلا غريب هلا والله
انا لو كتبت موضوع وجلست اهايط والله ما تنلام تقول هالكلام
بس انا نفس ما قلت للي قبلك
ياخي جالس استفسر وأخذ نصائحكم
ولو رحت وعرفت المغرب زين ابشر باللي يجننهم بالبحث
بس انت جالس تخاطب عقلية واحد متخوف من المغرب
وداخل طالب فزعتكم عشان تعلموني المكان الكويس
حتى لو غالي بس سعره هالفندق كذا
يعني لا نصب و لا كذب ماعندي مشكله
انا يا حبيبي مسافر لحالي
وداخل هنا اسال واستفسر و اقرى
ويوم اطلب فندق فخم وحلو
لان هذا جوي وأحب كذا
مو قصة هياط او شيء
وانا هنا دخلت والله عشان ترشحون لي الافضل
والحمدلله اني ما تندمت اني سجلت وسالت
لان جد اخذت معلومات كثيره وخدمات كثيره
وعلى الواقع انا شخص ثاني
والا ليش ادخل واستفسر
الا عشان أكون مثل اي شخص ولا يستغلني
لان المعروف والمشهور ان السعودي او بعضهم يدفع ولا همه
وهذاالغلط اللي صاير
وانا مستحيل أكون خروف على عماي
والحمدلله الحين عرفت كل شيء
من العمله والأماكن و السهرات و الفنادق
وحتى الشقق المفروشه رغم اني ضدها
بس الحمدلله خلال ثلاث ايّام الكل فزع ونبهني
وان شاء الله ربك ييسرها
ونتقابل بيوم من الأيام مع اللي نصحني او أعطاني مشوره
فيكفي نصائحكم هي اجمل تجربه لي
وحتى لو قسى البعض بالكلام
فأنا ما ألومه لانه من باب محبه ومعزه للي ينصحه
فمشكور يالغالي
وبيض الله وجهك
وعسى والدينك للجنه