اتفق معك ياغالي ربعنا لو الله يهديهم ويتركون سياحة القطيع امورهم طيبة
السكن موجود ومتوفر بكل مكان وسالفة الامان هذي كذبة اخترعها الهوامير عشان يتحكمون
بالسوق ويرفعون الاسعار على كيفهم بلا حسيب او رقيب تقدر تسكن في اماكن كثير
شقق نظيفة وسعرها مناسب ولكن كل شيء بالعقل والاسلوب ومثل مايقولون العقل زينة
انا ماادري وش يجبرني اسهر بمكان الطاولة ب3 الاف واكثر والتعامل خايس والخدمة سيئة
وفيه ناس كل يوم بنفس المكان ونفس البرنامج ونفس الملل وين التغيير
انا ماني ضد السهر كل واحد وجوه ولكن فيه اماكن كثير للسهر غير الاماكن اللي متجمعين فيها
أكيد كلامي ماراح يعجب البعض ولكن تظل وجهة نظر واختلاف الآراء لايفسد للود قضية.
__________________
ألا يا صاحبي..الرفقة ترى ما هي ثياب جداد.. تبدلها متى مليت .. وتلبس غيرها ثاني