والله تدري وش اللي معك دافعني
اني معاك انت امارس آخر الغيره
واحب فيك البرود اللي يقاطعني
لو ماتكلمت صمتك صعب تفسيره
ياللي عليك البشر شفها تقاطعني
منين ماوجه الهقوات لك سيره
ياشينها يالخوي قولة اتركه كأنك تطعني
ماغير شره ولا انت بشايفن خيره
ياشينها منك لاجيتك توزعني
في عذرك اللي على هالظرف تجييره
شف كبر صبر البشر ماعاد ياسعني
واكبر هموم العباد اشوفها صغيره
انا اذكر انك الا من قلت دلعني
القلب هانت علشانك مشاويره
يامشغل القلب بين تحبني و يعني
شفني عليك احترق ياسيدي حيره
مرات اقول اتركك لاشك يمنعني
شي يقول أعذره واقبل معاذيره