تكلفت فهمك وللأسف ماقدرت أفهمك
قلبتك يمين يسار مافاد تقليبي
مادام العسل يطلع لنا مر من مبسمك
على شط نهرك ماصفت لي مشاريبي
بنيتك وفا جاني نقيض الوقت يهدمك
من أفعالك اللي ماتقدر مواجيبي
بغيت ارسمك صورت غلا ماقدرت ارسمك
كتبت القصيد يعالج الجرح ويطيبي
ظلمت وتعديت وهذا شي مايخدمك
ولا صدن بخبث الخبيثين عن طيبي
أنا إنسان مع نفسي حقيقه مااحب اظلمك
قصير القدم عن موقع الشك والريبي
تباني على منهجك بس الغرور احرمك
من اللي يداري دونك الشتم والعيبي
يصونك عن ألزله ويرعاك ويحشمك
ويلقا جزاها منك حش العراقيبي
على الهون اذا كانت لزوم الهوى تلزمك
ترا الحب مايؤخذ بروس المشاعيبي
ماابي منك رحمة واطلب الله مايرحمك
وانا واثق من الله يحقق مطاليبي
ً