الضيقه اللي تمر احيان وتعدّي
مرت على البال هالمره ولاعدّت
ثارت غضب في خفاي وبيحت سدّي
نخيتها تبتعد عني ولا ردّت
وصدّيت عنها و لكن مانفع صدّي
شبت بروحي لهيب النار وامتدّت
بين الحنايا وصبري ماوصل حدّي
الله ياقو باسي كل ما اشتدّت
ماقول سود الليالي وقفتّ ضدّي
اقول صافي نوايا بيضها اسودّت
بوجيه وديتها ولا نفع ودّي
معها المشاريه لا جابت ولا ودّت
وانا ورثت الوفاء والجود من جدّي
اجود وابني وفاء للجود لاهدّت
والى تحدى زماني جيت متحدّي
ماتنثني هامتي لو ضيقته ردّت
ياضيقة البال عدّي خاطري عدّي
دام المشاريه ماجابت ولا ودّت

__________________
لاتسمع كل ما يقال ولا تقول كل ما تسمع.