اقتباس:
المشاركة الأصلية كتبت بواسطة مهندس
جربت فرع تالبرج، وجربته مرتين عشان لا أظلمه، وطلبت بايلا وطلبت صحن رويال مشكل وطلبت بيتزا فروت دي مير، صراحة ما عجبني وخاصة البايلا ما كايناش البنه والوا.
على عجالة وبعد تجربة مطاعم كثيرة في أغادير وتبقى وجهة نظر شخصية:
- أفضل بايلا في مطعم "أزيام" الي على مدخل المارينا.
- أفضل بيتزا وباستا فروت دي مير (فواكه البحر) في مطعم "Pizzeria La Siciliana" في شارع الحسن الثاني.
- أفضل والذ سلطة فريش في مطعم "116"، والمطعم نظامه حلو يجيب لك ورقة تختار مكونات السلطة والدريسنج، طبعاً يبيع سلطة وباستا وكريب.
- مطعم " Chiche Kabab" في الحسن الثاني، مفروض انه أحسن مطعم شاورما في أغادير، صراحة ما عجبني لأنه مافي طعم بالرغم من نظافته، وعموماً لحد يفكر ياكل شاورما في أكادير.
- ألذ وأنظف مطاعم وكلاس الكلاس وغالية طبعاً، وأطلب منه أي شئ على ضمانتي "pure passion" و " la scala"
- أفضل وأنظف شيشة وفي الراس والجلسة خوقاقية في مطعم على البحر مباشرة من باند أجنبي هي في فندق " Hôtel Sofitel Agadir Thalassa Sea & Spa " وطبعاً غالية راس الشيشة ب200 درهم.
الله يعطيك الصحة مهندس بجرب الأماكن اللي قلتي عنها [emoji7][emoji7] تمت إضافتها فالقائمة عندي ههههه
¶¶ بخصوص المطعم اللي قلت يعطوك ورقة تختار السلطة حتى أنا عجبتني السلطة عندهم كنت أخذتها معاي عالبيت لكن نسيت إسم المكان.. حتى العصيرات عندهم حلوة ( وللأمانة فلوسي ماكانت كاملة وقتها وعطوني دبل الكمية من كل المكونات اللي إخترت وزيادة هههههه أشكرهم من هالمنبر )
¶¶ Pure passion بتفق معاك هو الأفضل نظافة ولذة وقعدة وتعامل
تم تصنيفه الأول فأكادير !
¶¶ بخصوص la scala أنصح بتجربته واللي يميزه قليل تلقى شخص عربي يعني كله أجانب وهدووووء وحاليا مسويين شغله الصراحة ماحد مسويها غيرهم ! مشان ينعشو الحركة وقت الغذا (لأن أغلب زباينهم باللليل) حاطين قائمة الغذا كلها ب 120 درهم يعني تختار الطبق اللي تبغى مع السلطة والتحلية وكوووووولشي ب 120 درهم ! ثمن صادم ههههه من الساعه 12 يعني بس وقت الغذا ....
في حين طبق واحد غير هالوقت دون تحلية ولا سلطة ولاشي بيكون غااالي !
¶¶ شيشة السوفتيل ماجربتهاش صراحة لكن جربت شيشة Sol House Taghazout Bay Surf مكان راقي ونظيف وهوا ينعش الروح عالبحر فالطريق لتغازوت قبل ماتوصل كوفيهات الزحمة اللي فالسنتر تلقى هناك من هب ودب ..... في قعده عالمسبح والدي جي اللي هناك قالولي إنه هو نفسه اللي بيكون ف ديسكو So ففندق السوفتيل ! والشيشة عندهم ب 200 درهم لكن تستاااااهل لأنها مو مثل الشيشة حقة 70 و 100 درهم نهااااائيا ! وهناك في حتى بيوت صغيرة عشكل أكواخ كبيرة تابعة للفندق هذا للي يبغى يسكن هناك بس مغليينها شوي 1000 درهم ل الليلة !
¶¶ ولمحبين الگولف أقولهم لاااااااتفوتون ال golf فتغازوت وحتى الفندق اللي تابع له الغولف تحس براااااحة نفسية هناك أول ماالواحد يحط رجليه ! هوا نظيييييف ومنعش وفخامة وهدوووووء !
¶¶ بالنسبة للطواجن في مطعم أعتقد إسمه " هاش " مطعم بلدي فمنطقة أورير عندهم نظافة أححححححسن من مطعم البركه توي أكتشفو ... حتى السلطة عندهم أحسن ! لكن ماعنده شعبيه لسه لأن الآخر واكل الجو معروف عند الناس !
¶¶ في مطعم ثاني ما أكلت فيه لكن صاحبتي تمدحه إسمه la grilladière حق مشويات وكده .... طابعه نوعا ما غربي لأن أغلب اللي يجونو أجانب !
¶¶ وبنصح بالمطعم الصيني جربتو من يومين الحين وبصراحة تعامل ولذة وكمكان عجبني بزااااف ! موجود ف منطقة صونابا / فونتي قريب من فندق أوميغا
¶¶ وبخصوص المطعم الفلسطيني اللي عطريق تغازوت حيرووووني أصدقائي شي يقولي مزيان وشي يقولي خايب هههههه وأنا وقت أكون جوعانه مابحب أغامر بالتجربة [emoji23][emoji23][emoji23] اللي جربو يعطينا خبر