السلام عليكم بسرد لكم رحلتي من الالف إلي الياء
1- تاريخ الذهاب 12 اغسطس العوده 21
2- وجهة السفر المطار بكازا مراكش 5 ايام - كازا 4- الرباط 1يوم
3- سعر الصرف الريال يساوي 2,508
4 - سبب الزياره للمغرب دعوه من صديق مغربي 2- استقدام عامله منزليه 3- الوصف الغير طبيعي للمغرب وانها على قولة المغربيه هروين ههههه
5- الطيور من 1000 الي 1500 اطيب طير
6-العصير السعر على حسب النوع والمغشوش اكثر من الاصلي الا كارفور
.................................................. .................................................. ......................................
وصلت المطار بعدها توجهت لمراكش سكنت عندي صاحبي يومين بترقاء اتوقع اسم الحي كذا بعدها سكنت 3 ايام بشقه خاصه له بالقولف التكلفه (0%) التنقل بسيارة صديقي اودي على قولتهم محفول مكفول صراحه الشعب المغربي بعيد عن الجوء السياحي بتحصل كرم ماهو طبيعي طبعنا السهر الجوء كل يوم ببيت رقص وبسط وفنانه وحركات وناس كلاس على قولت حنفي رحت لدبليو تقريبا ب 1000 سعودي الليله مره وحده جيته

رجعت لكازا سكنت يوم بشقه بعدها سكنت بفندق اتوقع اسمه كنزيا ببرج طويل على شارع عام واستاجرت سياره مرسيدس جديده ب 2000 مغربي باليوم كازا الجوء فيها سياحي بحت سهرت بعين ذياب يوم واحد وبرضوا مافيه شي جديد مثلها مثل اي دوله زرتها الفرق الغلاء الفاحش

الرباط مافيه اي شي يستحق الذكر لاني رحت عمل

( الزبددددددددده )

اكتشفت ان بعض الي يمدحون المغرب اما مربي قرون ولاهو شايف شي يجي مقهى يشووف بنت تضحك معه وتطلع معه وهو عايش دور توم كروز وانها حبته وهي بالاخير بنت ليل وتعيش دور الشرف تتصيد مابقول خرفان تتصيد مزز

بلد غالي الي صرفته بالمغرب المفترض اني اصرفه بي دوله اوربيه او اسيا او اي دوله عربيه على اطول مده

العسكر والموظفين والتكاسي من تدخل لين تطلع الكل يبي يسرقك حتى لما رجعت معي فلوس مغربيه قال كيف سعودي راجع ومعك فلوس ضحكت وقلت حشى وش هالدوله الي عاد تخليك تصرف كل فلوسك قال مصروف يومي 2000 ريال وش عليه

اذا رحت للمغرب ومن الناس الي يحب يمشي بنظام و تعتمد على كريم وابر اقوول لك ارتاح انا طلبت كريم كذا مره يسحبون عليك ولايجون


الخلاصه الموضوع راى شخصي