الحقوووني تووووهقت في المغرب الفزززعة
السلام عليكم و رحمة الله و بركاتة
كيف حالكم يا اخواااان ما أحب أطول عليكم لأني شخص لا اجيد المقدمات
على العموم السالفة و ما فيها :
اتصل علينا واحد من الشباب نسميه ( ابن بطوطه ) شخص يموت في شي اسمه سفر
المهم قال انا توني واصل من المغرب و لازم تسيرون علي و كان معي اثنين من الشباب
توكلنا على الله و قلنا صلح كابتشينو ( معترض ) بعد ما جيناه بدا يسولف عن رحلته
وش صار فيها بالتفصيل صراحه ابن بطوطه قال لنا شي ما يدخل العقل هبل فينا
بدا يقطع المغرب من المدح ما فيه شي ما قاله و بالذات الطيووووور يقول يا هي انواع
و اشكااااال تحتااااار اي طييير تاخذ غرنووووق و لا حباااااارى و هو في نص السالفة
حسيت اني بديت اسعبل في حظن خويي ؛ المهم مالكم في الطويلة ابن بطوطه دوخنا
قلت له بس بس يكفي يالله يا شباب
قال وين ما بعد كملت السالفة و لا شربتوا الكابتشينو
قلت له تقوهينا من (( الطيووور ))
ركبنا السيارة انا و خوياي و سكوت لمدة ربع ساعة في السيااارة كل واحد داخل جو في
سوالف ابن بطوطة
المهم و انا اسوق الا اشوف مكتب حجوزات و بدون شعوووور اصفط عنده و كلنا ننزل
بدون ما احد يكلم الثاني و نجي عند الموظف و نقول نبي حجز ثلاث مقاعد على المغرب
بدون سابق انذار و بدون تخطيط و بدون ترتيب .احسن ما فينا انا اتفقنا على توقيت
السفرة اللي هو 21 فبراير يعني بعد شهر و عشر ايام .
زبـــــدة الكــــــــلام
انا و خوياي الثنين اول مرة نروح المغرب و لا نعرف شي فيها و ابن بطوطة سافر و خلانا
المهم قررنا بعد التشاور و بعد ( الخطط العلمية المدروسة ) انا نقعد في كازا 4 ايام
و في الرباط 9 ايام اللي ابغاه منكم فضلا و ليس امرا تنصحوني وين اسكن في المدينتين
و بالاخص الرباط و ابي اسامي الفلل النظيفة و ابي الاماكن اللي تنصحوني وين نروح لها
و ترى ما نحب الاماكن الاثرية و السياحية نبي بالعربي اماااكن ( فــــلـــة ) ونبي
احسن اسامي مقاهي ليلية .
و يا ليت تقولون لنا هل الجو يكون بارد او معتدل عشان اللبس للتذكير التاريخ 21 فبراير
و ياليت اذا فيه احد من اخوانا المغاربة هنا يكون على اتصال معي عشان يختصر علي
الشي الكثير أو اذا فيه احد من اخوانا اللي يعرف له احد هناك يدلنا عليه و نكون له من
الشاكرين .
و الله ما كتبت هذا الكلام الا و انا محتارين و ين نرووووووح .
تكفون لا أحد يبخل عليــــــــنا .
آســــــف على الأطـــــــــالــــــــــ ــة .
و حــــســــــبي الله عــــليك يا (( أبن بــــطـــــوطــــــة )):harhar1: