حياك الله أخوي مغرباوي .. أول شيء وقبل نفزع لك بقولك كلام حطه في بالك ..
لا تاخذون كلام خويكم إنه صحيح 100% .. ولا تاخذون إنه غلط 100% .. يعني بالعاميه إذا سفرتكم كلها مبنيه على كلام خويكم ( وخاصه بموضوع الطيور ) انصحكم إنكم ترجعون تدرسون الوضع ..
المغرب مافيها حل وسط .. من اول مره تروح لها يا إنك تشطب على كل الدول الثانيه وتصير سفراتك لها .. أو إنك تحرم تطبها طول حياتك .. يعني ممكن كلام خويكم ابن بطوطه يطلع صحيح 200% .. وممكن يطلع غير صحيح نهائياً وتصير لكم سالفه مع خويكم ..
نصيحتي لكم .. تخلونها سفره استكشافيه .. وتشيلون كلام خويكم من بالكم نهائياً .. روح شوف البلد .. تمش .. زر كم مدينه .. واستكشف بنفسك البلد .. لا تعتمد على كلام احد وتخليه هو القاعده الاساسيه لسفرتكم .. وخاصه إنها أول مره تروحون ..
بالنسبه لإستفساراتك .. راح اجاوبك باللي اقدر عليه ..
من كلامك واضح ان سفرتكم 13 يوم .. 4 ايام كازا + 9 ايام بالرباط ..!!
إنت تعرف شلون نظام الرباط .. وخاصه إنك رايح تدور فلة الحجاج .. النظام بالرباط تجلس بالفله ولا تطلع .. مافيه اماكن سهر مميزه أو بالأصح أماكن يقبل فيها الخليجي زي المدن الثانيه .. هي مقهيين شيشه الي تروح لهم .. والباقي بفلتك لا تروح ولا تجي .. إذا انتم من النوع الي يحب هالنظام أنا معكم وبقوه تخلونها بالرباط .. اما اذا انتم من النوع الي تحبون تغيرون وتطلعون تسهرون برا .. ماتنفع لكم الرباط ..
على العموم الرباط عندك حي الرياض هو الحي الي فيه الفلل .. بس اعمل حسابك ترا الاسعار غاليه للفلل .. يعني بالسعودي اعمل حسابك على 2500 ريال اجار يومي للفله .. ودامك كتبت بموضوع العمده حق فلل الرباط طلب .. ابشر بعزك العمده راح يضبط امورك من هالناحيه ..
نجي لكازا .. خل الاربع الايام بالاخير .. يعني اول ماتوصلون على طول اطلعوا للرباط واخر 4 ايام انزلوا لكازا .. طبعاً كازا الخيارات فيها كثيره ومتعدده ..
عندك مقهى الديوان .. المنتي كريستو ..
الملاهي عندك البلاك هاوس .. الفي آي بي ..
هذا الي يحظر ببالي حالياً .. واعذرني كتب الرد على السريع .. اخوك منفقعه مرارته من بوسيرو وحواقه .. وماقيلنا زين الظهر .. ان شاء الله لي رجعه للاضافه وبرضوا الاخوان ماراح يقصرون معك راح يجون ويعطونك العلم الي يشرح الخاطر ..
__________________
نلتقي .. لنرتقي ..