اقتباس:
المشاركة الأصلية كتبت بواسطة Kuwaity999
السلام عليكم راح ارد علي المعلومات اللي اعرفها فقط
بالنسبه لشراء سكن من فيلا او شقه او بيت فالوضع عادي تشتري وكل شي قانوني اللي عليك تكون فلوسك حاضره .... بالنسبه للمدارس السفاره السعوديه عندها كم مدرسه بالرباط لتدريس المقيمين السعوديين بالمنهج السعودي هذا علي حسب علمي ... و المدارس الزينه موجوده بالرباط
بالنسبه للسكن اذا تعليم اطفالك بالرباط يجب تكون ساكن بالرباط .... اذا تحب تسكن بالرباط ملك راح يكلفك الكثير وانا لا اعرفك ولا اعرف ميزانيتك .... لكن المتر في برستيجيا الرباط (شقق ) يبتدي ب ٢٢ الف درهم الي ٢٨ الف
... انا اختار لك السكن في هرهوره قريبه جدا من الرباط خمس دقايق بالسياره لحي الرياض بالرباط
الاسعار في هرهوره البقع الارضيه ( الاراضي ) سعر المتر يتراوح بين ٨٥٠٠ درهم الي ١١ الف درهم و البناء يكلفك المتر ثلاث الاف درهم تقريبا
بالنسبه للشقق الفاخره كما يسمونها اللتي تحتوي علي حمام سباحه وحدائق وحراسه شركات ومواقف بالسرداب وجيران مقبولين مع احترامي للجميع يبتدي السعر من ١٤ الف درهم و المساحات متوفره ويفضل تاخذ بناء جديد قيد الانشاء من الشركات العملاقه
بالنسبه للاقامه اعتقد من شروطها تكون متواجد بالمغرب مده ست شهور بدون ماتخرج من المغرب وهذي معلومه غير متاكد منها
وسلامتك
ماشاء الله عليك كفيت ووفيت
عندي إضافة طفيفة لصاحب الإستفسار
وهي إن حاب يشتري عقار يبعد عن مكاتب العقار لأنهم بيزودو بزاااااف فالسعر
يشتري من المالك مباشرة أو من مكاتب البيع مثل العمران والضحى مثلا ..... أما المكاتب العقارية اللي شغلها كوسيط ف مالهم لزمة إلا عوار الراس وزيادة مصاريف
أهم شي يكون كلشي قانوني