المشاركة الأصلية كتبت بواسطة غريب وبس

جلست في الغرفه حوالي ثلاث ساعات ودخل علي شاب سعودي وجلس وقال حالي مو متوفر عندنا الا وظيفه قهوجي نبي واحد يجيد عمل القهوه العربيه وطريقه تقديمها للضيوف انا انصدمت من كلامه قلت انا ماجيت ابحث عن وظيفه انا جاي مع واحد ودخلني هنا والحين ابي اطلع خلاص ابرجع لكازا قال اصبر شوي يمكن حصل سوء فهم ولا اقدر اخليك تطلع اصبر شوي بعدها نص ساعه دخل علي الس جايبني وقال اسف على التأخير بس رحت للسوق اتقضى بعض الشي قلت الله يهنيكم انا ماشي ماشي هالجو مايعجبني قال طيب ابدخلك على طويل العمر وبعدها على راحتك قلت طيب...
دخلنا عليه وكان بقمه التواضع والاخلاق حتى انه اكثر تواضع من الموظف الي دخل علي .....!!
قالي انا يجيني ضيوف وجلسات عمل وحبيت يكون فيه واحد يخلص الاشغال قبل ماجي انا واصدقائي يكون شبه مقيم بمراكش قلت انا بصراحه ماحب اكون مرتبط بعمل وخل علاقتنا تكون كل شي بفاتورته قال خلاص فارتبطت معاه حوالي اربع سنوات مع مكتبه بالرياض ...
بصراحه كانت اربع سنوات مرت مثل يوم واحد حياه عبثيه عشتها في مراكش وتغيرت فيها اسلوبي وطريقه معيشتي ليالي اتمنى ان لاتعود رغم انها ايام حصلت في وفرة مال الا انها بلابركه في الاكل والمعيشه الي اكسبه تروح في العربده والخرابيط عام 2004دخلت في سوق الاسهم السعودي وهنا بدأت حياه جديده لن اتكلم عن السوق وخسارتي لتسعين بالميه من راس مالي ولكن سأتكلم عن مجتمع الهوامير في سوق الاسهم وحياتي معاهم داخل المغرب