جربـت معـك الطيـب مافـاد وياك
الطيـب ماينفع مع اهـل اللكاعـه
ان جيتني من هناك جيتك من هناك
عندي على كل الـدروب استطاعـه
ولانيـب قايـل ويش غيـرك وش جاك
ماجـاك غير ابشر وسمع وطاعـه
غـرك غـلاك وكثـر لبيه خلاك
تحسـب قلوب النـاس عنـدك بضاعـه
كبـرت ماني بصاحبـك الاولي ذاك
راح الشبـاب اللي تبي واندفاعـه
اول لمنـك ازعلتني طحت لرضـاك
لأني محـب وفّ المحبه طمـاعـه
ولازت احبـك لكن ابخص سوايـاك
ودتني الخبـره حـدود القناعـه
تذكرنـي اتذكـرك تنساني انسـاك
للوصـل وصـل وللقطاعـه قطاعـه
عبدالله علوش
__________________
لاتسمع كل ما يقال ولا تقول كل ما تسمع.