رد: مارينا اغادير من اسعار مشجعة الى اسعار جشعة بعد دخول المؤيد بها
انسان نصاب وجشع ومسوي انه فاهم ام الزعطة وجالس يستغل هالشباب بضحكه وانه الي تهمه مصالحهم واذا تبون شي ولانقصكم شي ولا صارت لكم مشكله كلموووني وهو والله اول واحد ينصب على الشباب
انا رحت لاغادير بشهر مايو 2011 وكلمت مكتب المؤيد ابغى احجز باماديل وقالوا لي الغرفه لشخصين مطله على البحر شامله وجبة افطار ب600 ريال ولا قالوا لي مافيه حجز الا من عندنا بس ,,, كلمت مكتب وجاب لي نفس الغرفه حقتهم ب480 ريال ودفعة واخذت الفوتشر والصدمه يوم وصلت لاغادير بعد رحله متعبه كان اغلب الي وصوا معي من السعوديه حاجزين باماديل من وكالة المويد يوم خلصوهم وجا دوري واعطيهم الفوتشر قال من وين ماخذ الحجز قلت زي ماهو مكتوووب عندك وشوي قالو لي مالك حجز عندنا وقتها صرت معاد اشوف قلت انت تستهبل قال هاذي وكاله ماهي معروفه عندنا ومن هالكلام وبعد لطعه نص ساعه قال نعطيك غرفه لشخص على الحجز الي معك وغير مطله قلت الحين تقول قبل شوي مالي حجز قال هذا الي عندنا طبعا كان جاي معي طير من مدينه بعيده وتعبان قلت ابي غرفه لشخصين قال لازم تدفع الفرق لاني كنت ماخذ حجزي ارخص من حجز وكالة المويد وخلوني ادفع 400 درهم ودفعت ذيك اليله ونحرت ابليس وتعوذت من الشيطان ويوم جا اليوم الثاني وكلمت خوي الي حجزت من عنده وعلمته السالفه والي صار وانهم مايعترفون بمكتبهم وانهم دفعوني قال شوي بكلمك وشوي ويجيني اتصال من رقم مكتب بالرياض وكلمني واحد مصري وقال وش المشكله الي صارت معك وعلمته وقال دفعت لهم شي قلت اي اخذو مني فرق 400 درهم والله يعيال اني ماحبيت المصريين الا ذاك اليوم شوي حسيت المصري عصب وقال انت وينك قلت انا برى قال ارجع الفندق اقسم بالله يعيال يوم جيت الفندق الا الوضع مختلف يوم جيت عند المدير طلع المصري مكلمهم ومسفل فيهم بس انا ما صدقت الا يوم رحع دق علي المصري مره ثانيه وخليته يكلم المسؤل وانا عنده وبعدها قالوا لي الفندق خلاص اجلس بنفس الغرفه الي عطيناك وكانت باالدور الثالث ومطله على البحر لشخصين واعتذروا على الي صار ورجعوا لي ال400 درهم الي اخذوها مني ,,,
يمكن كثرت بالحكي بس الزبده من الكلام الي قلته ان الي صار لي ومحاولة اعاجي كله عشان ماخذت الحجز من وكالة المؤيد يعني نظام ياتاخذ من عندي ولا واللله لا انكد عليك
وبجد لازم من الاخوووووان عدم التعامل مع شخص مثل المؤيد
وتحياتي لكم