السلام عليكم يامزاعيط ياحلا منتدى شافته عيني عسى ياربي ماننحرم منكم والله انكم بلسم الجراح ابي نصيحتكم زواجي انا بالصيفية وابي اخذ زوجتي نروح نقضي شهر العسل بالمغرب لكن المشكلة في اهل زوجتي انا اقول لهم تراها ديرة حلوة وزينة يقولون لي لا ماتصلح ويقولون انت مأنت صاحي فيه احد ياخذ زوجته ويسافر للمغرب يامريض يامسخوووط

بالنسبة لزوجتي كانت رافضه بالبداية لكن اقنعتها قلت لها تطمني مايزوجون سعودي الا بموافقة زوجته الاولى ويوم اعرفت بهذا الشرط قالت خلاص اللحين نروح عادي للمغرب

المهم مالكم بالطويلة ياجماعة ابي نصائحكم هل المغرب تصلح لقضاء شهر العسل وياليت تقولون وين الاماكن الحلوة للعوائل وخاصة للي راح شهر عسل هناك تكفون لا احد يبخل علينا؟؟