مرحبا بالجميع اسف على تاخيري في كتابة التقرير لعدة اسباب اولها لأني مااقدر ادخل الموقع الى من جهاز الدوام لاني اول ماسجلت على هذا الجهاز ثاني شي المزاجية تغلبنا اوقات العذر والسموحة من الجميع........ في طريقنا وحنا رايحين تغازوت وقفت عند مطعم البركة في اورير وخذيت طاجين للعشا وبعض الاوازم الخفيفة.. بعد ماوصلنا السكن عجبها المكان وكان وقت الغروب منظر روعة ياسر القلوب ارتاحت للمكان ..اجوائي انا وصاحبتي متقاربة بحكم معرفتنا من برنامج واحد يعني ماعندنا مشاكل من ناحية الطلعة او السهر برا السكن في اول الايام سهرنا في هذي الليلة داخل البرنامج( الروم ) وواستانسنا صاحبتي لاتشرب ولاتدخن مزاجها الغناء والطرب المزاجية عندي في كل وقت مفتوح ومولع كيفي بحكم اجازتي مااحد يوقفني ههههه نمنا على خير وصحينا على خير ونزلنا نفطر في المقاهي الي على البحر مباشرة اكلهم طيب ومكانهكم جميل .. من بعد توجهنا الى ( اغروض ) واستأجرنا جي اس كي واستانسنا وتكسرنا ههههه اجواء نهارية جميلة اما اجواء الليل حكاية تحكيها الامواج في تغازوت ونواحيها عزيزي المزعوط لاتحكر نفسك في اغادير من مارينا وفنادق وسهر الليالي في الهات هناك متعه في سوس ماسة استغلها راح تستمتع بمعنا الكلمة.. جا في بالي اخذلي هرفي صغير من مناطق الرعي في العروبية كلمة صديقي رشيد واتجهنا طلوع الجبال من فوق تغازوت مناطق لااعرف اساميها ولاكن جميلة لكثرة الخضرة والربيع.. ناس بسيطة حياتهم على الرعي والزراعة نزل صديقنا رشيد وتكلم معهم شوي نزلت انا وقالي راعي الاغنام رجل كبير في السن اختار اخترتلي هريفي صغير وذبحناه عندهم ورجعنا قالولي عليك العشا اليوم قلت تم ابشرو بالكبسة .. طبعا رشيد قد ذاق طبخي قبل كذا وعجبتة الكبسة ولارديتها في خاطرة بالعكس احب اطبخ بعض الاوقات اذا كان لي مزاج لطبخ .. رجعنا لسكن ورتبنا اوضاعنا وحمسنا الكبدة وتغدينا فيها .. ابي اقول عن نفسي استمتع وانا اسوي حاجة غير السهر واللهو في اليالي الاستكشاف والبحث عن الجديد متعة السفرة .. جلست في تغازوت من الاربعاء حتى يوم الجمعة صليت انا وصديقي في الجامع الكبير في اغروض .. في المساء كلمني صديقي امين وصل من السفر وقالي خلينا نشوفك قلت انا كمان مشتاق ان شاءالله اجيك الليلة........ للحديث بقية اسمحولي
__________________
الي بقالي من حناياي ضلعين