انا زرتها شهر ١٠ ميلادي لمدة اسبوع وحداني باكو روعه للوحداني والي يعرف يطرب عمره بنفسه اهم شي ابتعد من مكاتب السياح والعرب الي يعرضون عليك خدماتهم .
رحت قابالا لمدة يومين وتحسفت ماتنفع وحداني وكان جدولي كالاتي :
السكن باكو فندق ونتر بارك
اصحى العصر واطلع اتغدا في مطعم فيروز في شارع نظامي واتمشا في شارع نظامي او اطلع لباكو القديمه او كورنيش باكو للتمشيه والتصوير الى الساعه ٧ او ٧ ونص وبعدها لمقهى في شارع نظامي اسمه بسج بجوار مقهى مادو مقهى روعه براد شاهي واحلى شيشيه وعندهم فرقه عزف طربيه تعزف اغاني عربيه وجوهم اوووك وبعدها للفندق ع الساعه ١٠ ترويشه وتريححه وبعدها للديسكو البيش او انفنتي او لاس فيقس الى الساعه ٥ الفجر وبعدها العوده للفندق ونومه الى العصر .
المواصلات
نصيحه خل معك بطاقة فيزا واشترك في برنامج اوبر وريح راسك شغلتك مع سائق اوبر تحديد الموقع الي تبيه وتفتح الباب تركب وتفتح الباب وانت نازل يعني ما يغثونك مامعي صرف او يتلاعب بالسعر .
ثاني شي وصولك فالمطار اتفق على السعر وتاكد من السعر هل هو بالدلاور او مانت لان بعضهم يستفغل العرب يتفق معه بسعر وعلى باله انه مانت ولاما يوصلك يطلب منك دولار خلك حذر .
شريحة الجوال
اذا نزلت فالمطار في مكتب اتصالات بس سعرهم مضاعف ولكن في شارع نظامي خذيتها بنص السعر .
نصيحه اذا رحلتك اخر الليل طلع من المطار شريحه لو دبل لانك راح تحتاج نت في طريقك .
انا اصعب لحضه عشتها في اذربيجان اني ماخذيت شريحة نت من المطار وركبت مع سواق شكله عربجي من المطار الى الفندق وانا ع اعصابي مدري وين رايحين وكان يدخلني حواري وشوارع مضلمه وكنت ع اعصابي لو معي نت كان بحط خريطة الفندق وبتاكد من طريقه فالافضل انك تاخذ من المطار لو تخسر ٤٠ ريال زياده لكن تشتري راحة بالك .
المطاعم اتوقع اسعارهم مناسبه لما يقدمون من اكل طيب انا الي اعجبني مطعم فيروز في شارع نظامي ومطعم ستيك منغل شغلهم روعه . وسلامتك