جربت حجزت من سكاي سكنر وجربت من اكسبيديا .. شخصيا افضل احجز المباشر من موقع الخطوط نفسها لأسباب عدة :-

اولها سهولة التعديل على الحجز وشروط التعديل واضحه قبل لا تحجز وهذا الشي مو متوفر في اغلب مواقع الحجوزات وإذا توفر يكون مو واضح ولازم تقرا وتدقق ..

ثاني شي اذا حجزت على مواقع الحجوزات مثل سكاي سنكر وكنت مشترك في برنامج الفرسان لا يتم احتساب الاميل لانك حاجز عن طريق شركة أخرى ..

ثالث شي سياسة العفش غير واضحه وممكن يغرك سعر التذكره الرخيص وإذا وصلت المطار تتفاجأ
الشنط غير مشمول راح تدفع على كل شنطة مبلغ وقدره .. وهذا الشي صارلي في اسبانيا للأسف كان تقصير مني اني ماقريت شروط الحجز انغريت بالسعر وحجزت ...

بالنهاية انا افضل الحجز المباشر من موقع الخطوط نفسها حتى لو كان في زيادة عن مواقع الحجوزات بحوالي ٣٠٠-٤٠٠ ريال ادفعها واشتري راحتي ...

ونصيحه اذا كان عندك رحلة طويله زي رحلة المغرب حاول بقدر الإمكان تحجز دايركت لان ماتسوى تبهذل عمرك ترانزيت علشان توفر مبلغ بسيط ممكن تصرفه بيوم هناك...

أتمنى للجميع سفرا سعيدا